«Ulttyq biryńǵaı testileýdiń ortasha baly boıynsha oblysymyz úzdik 5 óńirdiń qatarynda. Al 5 jyl buryn 16-orynda bolatyn. Reseıdiń jetekshi tehnıkalyq ýnıversıtetterimen tyǵyz baılanys ornatýdyń arqasynda búginde 452 mektep bitirýshimiz Máskeý jáne Sankt-Peterbýrg qalalarynyń úzdik joǵary oqý oryndarynda bilim alyp jatyr. Bıyl stýdentterdiń alǵashqy legi dıplom alady, olardyń jumysqa ornalasý máselesin biz aldyn-ala daıyndadyq», dedi Qyrymbek Eleýuly.
Parlamentaralyq Assambleıa janyndaǵy ýnıversıtet quramynda 3 ınstıtýt, 4 fakýltet pen 17 kafedra bar. Ýnıversıtet rektory Erlan Ysqaqov oqý ornynyń negizgi mamandyqtary qatarynda bıznes-ınformatıka, zańgerlik qyzmet kórsetý, týrızm, ekonomıka, menedjment, keden isi, jarnama jáne jurtshylyqpen baılanys, konflıktologııa, dızaın, qoldanbaly kórkemóner jáne ulttyq kásipshilik, saýda isi, psıhologııa bar ekendigin aıtty.
«Qyzylorda oblysy alǵashqylardyń biri bolyp kadrlardy daıyndaý salasynda áriptestik ornatý boıynsha usynysymyzǵa keliskenine óte qýanyshtymyz. Qazirgi tańda mamandardy daıarlaý máselesinde jeke kózqaras tıimdi. Bıyl ýnıversıtetimizge qosylǵan jańa baǵyt – bıznes-ınformatıka. Bul mamandyq aıasynda stýdentter sıfrly ekonomıka damyǵan zamanda blokcheın men krıptovalıýta salasyn zertteıtin bolady», dedi ol.
Sonymen qatar ýnıversıtet ókilderi qyzylordalyq muǵalimder men ǵylymı qyzmetkerlerdi Nobel syılyǵynyń laýreaty Jores Ivanovıch Alferov basqaratyn Eýrazııalyq ǵylymı forýmǵa qatysýǵa shaqyrdy. Forým jyl saıyn kúzde TMD elderiniń qatysýymen ótedi.
Memorandým aıasynda taraptar birlesken is-sharalar men jobalardy qolǵa almaq. Ýnıversıtet oqýǵa túsý synaqtarynan sátti ótken qyzylordalyq túlekterge jyl saıyn 10 grant bóletin bolady.
Qyzylorda túlekterine 2014 jyldan bastap Máskeý bolat jáne qorytpalar ınstıtýty, Sankt-Peterbýrg ósimdik polımerleri memlekettik tehnologııalyq ýnıversıteti, K.A.Tımırıazev atyndaǵy Reseı memlekettik agrarlyq ýnıversıteti men I.M.Gýbkın atyndaǵy Reseı memlekettik munaı jáne gaz ýnıversıteti óńirge qajetti mamandyqtar boıynsha oqytý úshin granttardy bólip keledi. Sonymen qatar bıyldan bastap qyzylordalyq jastar úshin «Kıberqaýipsizdik» jáne «Matematıkalyq prosesterdi modeldeý» mamandyqtary boıynsha M.V.Lomonosov atyndaǵy Máskeý memlekettik ýnıversıtetiniń magıstratýrasyna 20 grant bólinetin boldy.
Jyl saıyn oblys ákiminiń granttary esebinen aýyldy jerdegi az qamtylǵan otbasylardan shyqqan 100-ge jýyq jas bilim alyp jatyr. Qazirgi tańda grant ıeleriniń sany 700-ge jetti. Bıyl grant sanyn 200-ge jetkizip, onyń 70 prosentin aqparattyq tehnologııalar salasyndaǵy mamandyqtarǵa baǵyttaý josparlanǵan.
Qyzylorda oblysynyń ákimdigi óńirge qat mamandyqtar boıynsha máseleni osylaısha sheship jatyr.
Baqtııar TAIJAN,
«Egemen Qazaqstan»
Qyzylorda oblysy
