TMKKBK-niń jańa paketi halyqty eń tómengi deńgeıdegi medısınalyq qyzmet bazasymen qamtamasyz etpek. Bul qyzmetter tizimi aýqymdy jáne naqty bolady. Onyń qatarynda profılaktıkalyq ekpe jáne dárigerlik tekserý, toq ishek qaterli isigi, sút bezi qaterli isigi, jatyr moıynshyǵy qaterli isigi boıynsha sonymen qatar qan aınalym júıesi aýrýlary jáne glaýkoma qaralady. 1 jasqa deıingi balalardy patronattyq qamqorlyqqa alý, júkti áıelderdiń jaǵdaıyn baqylaý, shuǵyl medısınalyq kómek, naýqastyń ótkir nemese shıelenisti sozylmaly aýrýlar jaǵdaıynda ótinish jasaýynda alǵashqy medısınalyq-sanıtarlyq kómek kórsetý mamanynyń qabyldaýy qarastyrylýda. Dál osy jańa paketke naýqasqa salamatty ómir salty máseleleri boıynsha keńes berý, 50 zerthanalyq dıagnostıka qyzmeti jáne qural-saımandyq dıagnostıkalyq zertteý (EKG, táýlik boıy qan qysymyn baqylaý, spırografııa jáne t.b.) enedi.
TMKKBK-niń jańa úlgisinde naýqasty dıspanserlik tirkeýdiń ornyna sozylmaly aýrýmen aýyratyn naýqasty dınamıkalyq baqylaý engiziletin bolady.
– Eger naýqasta 25 aýrý emes, 25 aýrý tobynan, ıaǵnı toptaryna jáne áleýmettik mańyzy bar aýrýlardyń 4 tobynan turatyn dınamıkalyq baqylaý tizimine jatatyn aýrý belgilense, mundaı jaǵdaıda konsýltatıvti-dıagnostıkalyq qyzmet, josparly stasıonarlyq qyzmet, josparly stasıonar-almastyrýshy qyzmet tegin kórsetiletin bolady, – deıdi «Mindetti áleýmettik medısınalyq saqtandyrý qory» KEAQ Astana qalasy boıynsha fılıalynyń dırektory Nurlybek Qabdyqaparov.
Ol sonymen qatar emdeý shemasy boıynsha ekinshi ret medısınalyq tekserý, barlyq qajetti baqylaýǵa arnalǵan zerthanalyq zertteýler jáne TMKKBK sheńberinde dári-dármekpen qamtamasyz etý tegin qarastyrylatyn bolatynyn atap ótti.
Tegin medısınalyq kómek kóleminiń jańa paketi barlyq azamatqa jedel medısınalyq kómek, sanıtarlyq avıasııa, alǵashqy medısınalyq-sanıtarlyq kómek jedel stasıonar-almastyrýshy kómek, jedel stasıonarly kómek, pallıatıvti kómek kórsetýdi kózdeıdi.
Taǵy bir aıta keterligi, mindetti áleýmettik saqtandyrýǵa 2018 jyldyń 1-30 maýsymy aralyǵynda 8,7 mlrd teńgeden astam qarjy aýdarylǵan. Jalpy alǵanda, jumys berýshiler men jeke kásipkerlerdiń mindetti áleýmettik saqtandyrýǵa 2017 jyldyń 1 shildesi men 2018 jyldyń 30 maýsymy aralyǵyndaǵy aýdarymdary men tólemderiniń jalpy somasy 80,6 mlrd teńgeden asa qarjyny quraǵan. О́ńirler boıynsha Astana qalasynyń jumys berýshiler men jeke kásipkerleri 10 mlrd teńgege jýyq aýdarym jasaǵan.
