«Altyn Kargaly» kohlearly ımplant júıesi ornatylǵan balalardy áleýmettik ortaǵa beıimdeıdi

Bul sharanyń maqsaty – kohlearly ımplant júıesi orna­tylǵan balalardy áleýmettik ortaǵa beıimdep, estý jáne sóıleý qabiletterin jetildire otyryp, sózderdiń maǵynasyn erkin túsinip, sózdik qorlaryn da­mytý. 15 táýlik boıy ótetin ońaltý sharasynda ortalyq bólim­shelerinen arnaıy shaqyr­tylǵan sýrdopedagog, logoped, psıholog mamandar 10 jáne 15 jas aralyǵyndaǵy 31 bala­ǵa qajetti kómek jasamaq. Estý qabileti zaqymdanǵan bala­lardyń sóıleý prosessorlaryn baptaý, qarym-qatynastyq daǵ­dylaryn qalyptastyrý, kohlearly ımplant apparatymen qorshaǵan ortanyń dybystaryn estý arqyly qabyldaý qasıetterin jetildirý, tildik qabiletterin damytý, aýyzsha sóıleý qabiletterin, beıverbaldy oı-óristerin damytý, ońaltý baǵdarlamasyna kiretin zerdeli oıyndar jáne ata-analarǵa psıhologııalyq kómek berý qyz­metteri atqarylatyn bolady.

Mamandardyń paıymdaýynsha, kohlearly ımplant júıesi ornatylǵan balalardyń estý jáne sóıleý qabiletterin damytý jumystary aıtarlyqtaı nátıje berýi úshin sala maman­dary jáne ata-analardyń tyǵyz qarym-qatynasy qajet. Al Áleý­mettik ońaltý ortalyǵy balalardy ońaltýda joǵary nátı­jege jeteleıtin ózindik «úmit oshaǵy» rólin atqarýda.

Eńbek jáne halyqty áleý­mettik qorǵaý mınıstrliginiń qol­­­da­ýymen júzege asyp otyr­­ǵan bul shara, erekshe qajet­tilikke muqtaj balalarǵa kom­mýnıkatıvtik daǵdylaryn damytýmen qatar, olardyń qoǵam­dyq ómirge birtindep ený­lerin tezdetip, ata-analaryna da je­ńildik ákelip otyr.