Foto: Elaman QABDILÁShIM
Toıǵa kelgen qaýym Toraıǵyr aýylynyń janyndaǵy etnoaýylda jınaldy. Ár aýdannyń úıleri tigildi. Buhar jyraý, Máshhúr Júsip, Musa Shormanovtyń atymen atalǵan aýyldar jáne «Qazaq aýyly» qonaqtardy qushaq jaıa qarsy aldy.
Aqyn Sultanmahmut HH ǵasyrdyń basyndaǵy qazaq qoǵamynyń shyndyǵyn, jańashyl oı-pikirin jigerli óleńderi arqyly aıta bildi. Buǵan deıin «Rýhanı jańǵyrý» baǵdarlamasy aıasynda Baıanaýyl aýdandyq ákimdigi men «Mádenıet portaly» Sultanmahmut Toraıǵyrovtyń 125 jyldyǵyna arnalǵan mádenı is-sharalar sheńberinde respýblıkalyq aqyndar músháırasyn jarııalaǵan bolatyn. Onlaın-múshaıraǵa elimizdiń túkpir-túkpirinen 36 aqyn qatysty, 108 shyǵarma usynyldy. Ár qatysýshynyń óleńderi «Mádenıet portalynda» jarııalanyp otyrdy.
Tabıǵat aıasynda qurylǵan sahna tórinde respýblıkalyq onlaın-músháıranyń jeńimpazdary marapttaldy. Qazylar alqasynyń tóraǵasy, aqyn, Qazaqstan Jazýshylar odaǵy basqarma tóraǵasynyń birinshi orynbasary Aqberen Elgezek Shyǵys Qazaqstan oblysynan kelgen Raýan Qabıdoldınǵa Bas júlde tabys etti. Shymkenttik aqyn Batyrhan Sársenhan birinshi, ekinshi oryndy Qarlyǵash Qabaı men Umtyl Zaryqqanuly ıelendi. Úshinshi júldeni almatylyq Aıdana Qaısarbekqyzyn, kókshetaýlyq Qaırat Seıtqazın, pavlodarlyq Jarqynbek Amantaıuly aldy. «Mádenıet portaly» Sultanmahmut Toraıǵyrov atyndaǵy arnaıy júlde taǵaıyndady. Bul júldege jerlesimiz Jolaman Áıtken ıe boldy.
Toı sońy mádenı jáne sporttyq sharalarmen jalǵasty.
Farıda BYQAI,
«Egemen Qazaqstan»
PAVLODAR
