Otyrys barysynda Holdıngtiń 2017 jylǵa arnalǵan jyldyq esebi bekitildi, ol Qazaqstan Respýblıkasynyń memlekettik jáne úkimettik baǵdarlamalaryn iske asyrý, qarjylyq nátıjeler, Holdıngtiń esepti kezeńdegi mańyzdy oqıǵalary jáne onyń enshiles uıymdarynyń qyzmeti týraly aqparattan turady.
«Báıterek» UBH QR Prezıdentiniń Jarlyǵymen 2013 jyly damý ınstıtýttaryn, qarjy uıymdaryn basqarý jáne ulttyq ekonomıkany damytý júıesin ońtaılandyrý maqsatynda quryldy. Holdıng 11 enshiles uıymdy biriktirdi.
Sonymen qatar, Dırektorlar keńesi «Qazaqstannyń Damý Banki» aksıonerlik qoǵamymen 2015–2019 jyldarǵa arnalǵan Qazaqstan Respýblıkasynyń Indýstrıaldy-ınnovasııalyq damý memlekettik baǵdarlamasynyń jobalaryn qarjylandyrýǵa arnalǵan bıýdjettik nesıeler alýǵa, sondaı-aq otandyq óndirýshilerdi qoldaý aıasynda avtobýstar, traktorlar men kombaındardyń lızıngin iske asyrý maqsatynda mámile jasasýdy maquldady.
Budan ózge, Dırektorlar keńesi Holdıngtiń Damý josparyn oryndaý jáne 2017 jyldyń qorytyndysy boıynsha jyldyq bıýdjettiń atqarylýy týraly esepterin maquldady.
