Memleket basshysy Qazaqstannyń eńbek sińirgen sport sheberi Denıs Tenniń qaıǵyly qazaǵa ushyraýyna baılanysty onyń otbasyna kóńil aıtty.
«Qazaqstannyń belgili sportshysy, 2014 jylǵy qysqy Olımpıada oıyndarynyń qola júldegeri Denıs Iýrevıch Tenniń qaıǵyly qazaǵa ushyraǵany týraly habardy zor kúızelispen qabyldadym. Orny tolmas qazaǵa baılanysty kóńil aıtamyn.
Denıs Ten mánerlep syrǵanaýdyń otandyq mektebin qalyptastyrýǵa jáne damytýǵa, Qazaqstan sportyn joǵary deńgeıde ilgeriletýge zor úles qosty. Onyń jarqyn jetistikteri elimizdiń abyroıyn asqaqtatyp, jastar arasynda sportty dáripteýge septigin tıgizdi.
Talanty álemniń kóptegen elderinde moıyndalǵan Denıs dańqty sportshy ǵana emes, sondaı-aq bitimi erekshe tulǵa, Qazaqstannyń naǵyz patrıoty edi.
Denıs Iýrevıch Tenniń jarqyn beınesi bizdiń júregimizde máńgi saqtalady», – delingen jedelhatta.
