«Qazaqstan Prezıdenti Nursultan Nazarbaev damýdyń jańa kezeńine shyqqan túrkitildes yntymaqtastyq máselelerine erekshe mán beredi. TúrkPA – túrkitildes elder ıntegrasııasynyń negizi bolyp tabylady jáne sońǵy jyldary túrkitildes elderdiń parlamentaralyq dıplomatııasynyń halyqaralyq deńgeıde tanylǵan ınstıtýty boldy», – dedi kezdesý barysynda Q.Ábdirahmanov. Mınıstrdiń aıtýy boıynsha, BUU, Eýropa Keńesi Parlamenttik Assambleıasy, EQYU Parlamenttik Assambleıasy sııaqty halyqaralyq uıymdarmen TúrkPA yntymaqtastyq ornatýy qajet.
A.Mamaıýsýpov TúrkPA-nyń jumysy jaıly jáne uıymnyń 10 jyldyǵyn atap ótý jospary týraly habarlady. Atap aıtqanda, TúrkPA basshysy ústimizdegi jyldyń kúzinde Túrkııada ótetin Assambleıanyń kelesi mereıtoılyq plenarlyq sessııasyna daıyndyq is-sharalary júrgizilip jatqany týraly málimdedi. «Túrki ıntegrasııasyn ilgeriletýge yqpal etý maqsatynda Uıymnyń hatshylyǵy TúrkPA-ǵa múshe elderdiń zańnamalaryn bir qalypqa keltirý boıynsha belsendi túrde jumys atqarýda. Qazaqstan – bizdiń halyqtarymyzdy jaqyndastyrý ıdeıasyn nasıhattaýdyń bastamashysy jáne osy turǵyda Astana túrki áleminiń maqtanyshy ekeni aıqyn», – dedi TúrkPA-nyń Bas hatshysy.
Halyqaralyq Túrki akademııasynyń prezıdentimen kezdesý barysynda túrkitaný jáne jalpy túrki tarıhyndaǵy zertteýlerdi odan ári keńeıtý máseleleri talqylandy.
D.Qydyráli Syrtqy ister mınıstrligine akademııanyń qalyptasý prosesinde zor qoldaý kórsetip otyrǵany úshin alǵysyn bildire otyryp, ınstıtýt TMYK 6-shy sammıtin ótkizýge laıyqty úlesin qosýǵa jáne ǵylymı-zertteý salasynda túrkitildes memleketter arasyndaǵy yntymaqtastyqty damytýdy jalǵastyrýǵa daıyn ekendigin bildirdi.
«Egemen-aqparat»
