Bul ólim kók tý astynda ómir súrip jatqan barsha qazaqstandyqtardyń qabyrǵasyn qaıystyrdy. Tipti, qarapaıym halyq qımastyqpen onyń ólimine sengileri kelmeıtindikterin baıqatty. Barlyq áleýmettik jelilerde, saıt betterinde qoshtasý posttary men aqparattardyń kóptigi, bútindeı bir eldiń qaıǵyly qazaǵa ortaqtas ekendigin kórsetti. Bul - qarapaıym buqaranyń Denıske degen qurmeti men mahabbaty dep bilemiz..
Jas talanttyń halyq arasynda mundaı ystyq yqylasqa ıe bolýynyń basty sebebi, onyń adamdyq asyl qasıetteri bolsa kerek. Tipti, sońǵy kezdesý sətterinde júzinen kúlki ketpegen. Al, onyń az ǵana ýaqyt ishinde jasap ketken eren eńbegi tańǵalarlyqtaı...
Jas daryn qamshynyń sabyndaı ǵana ǵumyrynda birshama bıikti baǵyndyrǵan bolatyn. Atap aıtsaq, 2014 jyly mánerlep syrǵanaýdan Sochı olımpıadasynda 255,10 upaımen qola medalǵa ıe bolsa, 2013 jylǵy álem chempıonatynyń kúmis medal júldegeri, VII qysqy Azııa oıyndarynda mánerlep syrǵanaýdan chempıon atanǵan. Ishki birinshilikte oǵan bəsekeles joqtyń qasy edi. Ol Qazaqstannyń bes dúrkin chempıony ataǵyna ıe.
Denıs Almaty qalasynda týyp-ósken azamat. Onyń Koreı ımperııasy kezinde dańqty qolbasshysy bolǵan general Mın Gynhonyń urpaǵy ekendigin bireý bilse, bireý bilmes. Shoq juldyz mánerlep syrǵanaýdan bólek, ózge sport túrlerimen, atap aıtqanda, tennıs, akrobatıka, taekvondo, karate, júzýmen aınalysyp, bı jáne sýret salý mektebine barǵan. Mýzyka mektebinde 5 synypty támamdap, horǵa qatysqan. Keıinnen mánerlep syrǵanaýmen aınalysýǵa birjola den qoıǵan eken.
2003 jyly "Hrýstalnyı konek" týrnırinde ony Elena Býıanova (Vodorezova) baıqap, Máskeýge óziniń qol astynda jattyǵýǵa shaqyrady. Bala Denıs eresek sportshylarmen jarysyp, 2006 jylǵy Qazaqstan chempıonatyn jeńedi. Jas výnderkınd sportshy halyqaralyq deńgeıde bir jyldan soń kórinedi, oǵan Halyqaralyq konkımen syrǵanaýshylar Odaǵynyń jas shekteýleri (13 jas) sebep bolady. 2010 jyly Nıderlandydaǵy Gran-prıdiń jasóspirimder arasyndaǵy kezeńin 10-shy bolyp aıaqtaǵan. Qandaı da bir sətsizdikter bolmasyn onyń jigeri muqalmaǵan. 2014 jyly ótken Sochı olımpıadasynda Qazaqstan qorjynyna jalǵyz júldeni, ıaǵnı qola júldeni salyp berdi.
Elimizde qysqy sport túriniń tanymal bolýyna sebepker bolǵan altyn ul "Qazaqstanǵa eńbegi sińgen sport sheberi" ataǵyn aldy. Ol 2011 jyly VII Qysqy Azııa oıyndary týraly "bnews.kz" saıtyna bergen suhbatynda : - Týdyń kóterilýi men ánurannyń oryndalýy eń áserli sát boldy! Men óz elimniń patrıotymyn! Men Qazaqstanda óstim. Osy elde kóptegen jetistikterge jettim. Men shetelde jattyǵamyn, biraq meniń bolashaqtaǵy barlyq josparlarym, esimim Qazaqstanmen baılanysty, - degen eken. Osy sózderden onyń eliniń abyroıy men halqynyń qýanyshy úshin myńdaǵan shyńdardy baǵyndyrǵysy kelgendigin túıemiz.
Jaıdary júzdi jas jigit bıyl ǵana ózin jańa qyrynan tanytqan bolatyn. Ol onyń taza, jaǵymdy daýysy, ənshiligi. "Gakku tv" mýzykalyq arnasy resmı paraqshasynda Denıs Tenniń jaqynda shaǵyn albomyn jaryqqa shyǵarǵysy kelgendigin jarııalap jáne "She won't be mine" atty ənin jaryqqa shyǵardy.
О́mirge ǵashyq jigit 25 jas mereıtoıynda ınstagramm paraqshasyna: "О́mirge ǵashyqpyn. Týǵandarymdy jaqsy kóremin. Adamdardy súıemin. Jaqsy kórgenderdi jaqsy kóremi. Men osyny bóliskim keledi. 25 jasta əlem ózgerek sezile bastady", - dep jazǵan.
Eliniń baǵy bolǵan birtýar sportshy aqqan juldyzdaı óte shyqty. Janyń jənnatta bolsyn, qazaqtyń Denısi! Uly chempıon sen halyq júregindesiń!
Erjigit Kúntýbaev,
EUÝ stýdenti
