Medısınaǵa qajet buıymtaılar

Jambyl óńirinde ótken 20 jyl ishinde daıyn ónim shyǵaratyn 130 iri kásiporyn ashyldy. Sóıtip aımaqtyq jalpy ónim 11 esege ósti. «Taraz metallýrgııa zaýyty», «Aqbaqaı taý-ken metallýrgııa kombınaty» syndy qýatty kásiporyndar búginde elimizdiń júıequraýshy óndiris ortalyqtary retinde tanyla bastady. «Jambylgıps», «Myńaral Tas Kompanı» kásiporyndary otandyq qury­lys ındýstrııasynyń jetekshisine aınaldy. Eki jylda ındýstrııalandyrý baǵdarlamasy aıasynda 16 joba iske asyryldy. Onyń jalpy quny 80 mlrd. teńge. 3000-nan astam jańa jumys orny ashyldy. «Qazfosfat» kásipornyna zamanaýı jańa tehnologııa ornatý arqyly 10 túrli ónim shyǵaryla bastady. Zaýytty damytýǵa jumsalatyn ınvestısııa kólemi 120 mlrd. teńgeni qurady. Oblysta shaǵyn jáne orta bıznes salasy da qarqyndy damyp keledi. Táýelsizdik merekesi qarsańynda «Sýper farm» kompanııasy Jambyl aýdanyndaǵy Aısha bıbi aýylynan medısınalyq kıim-keshekter men buıymdar shyǵaratyn kásiporyn ashty. Táýelsizdik jyldary oblysta ónerkásiptiń myqty irgetasy qalandy. 20 jylda óńdeýshi sektorda ónimniń kólemi 16 esege ulǵaıdy. Polıetılen qubyrlar, sement, jaryqtandyrý quraldary buǵan deıin basqa elderden tasymaldanatyn bolǵan. Qazir olar óz oblysymyzda shyǵarylady. Jambyl kásiporyndary shetel rynogyna joǵary sapaly hımııa ónimderin ótkere bastady. 2015 jyly shıkizattyq emes eksport kólemin 36 paıyzǵa, eńbek ónimdiligin 1,5 esege deıin ósirýge qol jetkizemiz. Bul – óndiriske jańa ınnovasııalyq tehnologııalardy engizý arqyly múmkin bolady. Hımııa jáne metallýrgııa sala­synda jańa serpinge qol jetkizýdi josparlap otyrmyz. Búgin medısınalyq buıymdar, atap aıtqanda, toqylmaǵan materıaldan jasalǵan birjolǵy medısınalyq kıimder óndiretin jańa zaýytty iske qosamyz. Zaýytqa ozyq tehnologııalar qoıyldy. Jańa zaýyt arqyly elimizdegi medı­sınalyq mekemelerdiń qajettilikterin tolyq qamta­masyz etemiz. Bul zaýyt TMD elderi  boıynsha alǵashqy zaýyt bolǵandyqtan, olardyń rynogynda básekelestikte alda bolamyz, dedi oblys ákimi Qanat Bozymbaev kásiporynnyń ashylý saltanatynda. Kósemáli SÁTTIBAIULY, Jambyl oblysy.