«Oblys óńirindegi sý aıdyndarynda 12 tótenshe jaǵdaı oryn aldy, sonyń saldarynan 12 adam sýǵa ketti. Onyń beseýi bala. Bul ótken jyldyń osy kezeńimen salystyrǵanda áldeqaıda kóp. О́tken jyly osy ýaqytta sý qurbany bolǵan 7 adamnyń úsheýi balalar edi», dedi oblystyq tótenshe jaǵdaılar departamenti bastyǵynyń mindetin atqarýshy Rýslan Orynbekov.
Sýdaǵy baqytsyz jaǵdaılar kóbine demalys kúnderi oryn alady eken. О́ıtkeni adamdar sýda demalý, shomylý erejelerin buzady. Aýdandar men qalalarda tótenshe jaǵdaılar departamentiniń mamandary sýǵa túsý erejelerin túsindirý jumystaryn úzbeı júrgizedi, biraq adamdardyń ony elemeýi qaıǵyly jaǵdaılarǵa soqtyrady.
Názıra Járimbet
«Egemen Qazaqstan»
Qostanaı
