Qazaqstannyń Syrtqy ister mınıstri Qaırat Ábdirahmanov, Qyrǵyzstannyń Syrtqy ister mınıstri Erlan Abdyldaev, Tájikstannyń Syrtqy ister mınıstri Sırodjıddın Mýhrıddın, О́zbekstannyń Syrtqy ister mınıstri Abdýlazız Kamılov jáne Túrikmenstannyń Syrtqy ister mınıstriniń orynbasary Berdynııaz Mıatıev Ortalyq Azııadaǵy óńirlik yntymaqtastyqtyń máselelerin talqylady.
«Ortalyq Azııa memleketteri basshylarynyń alǵashqy Jumys (konsýltatıvtik) kezdesýiniń Astanadaǵy jemisti ótýi óńirlik qatynastardaǵy jańa kezeńiniń bastalýymen belgileıdi. Qazaqstannyń Prezıdenti Nursultan Nazarbaev Ortalyq Azııa elderiniń áleýetterin biriktirýge, óńirlik ishki saýdany ulǵaıtýǵa, óńirdegi qaýipsizdikti qamtamasyz etýge jáne halyqtarymyzdyń jaqyndasýyna zor mańyz beredi», - dedi Q.Ábdirahmanov.
Qazaqstannyń SIM basshysy óziniń sóıleýinde syrtqy ister mınıstrleriniń deńgeıindegi turaqty otyrystary ortaq problemalardy talqylaý jáne sheshý úshin tıimdi alań bolyp qyzmet etýi tıis. Astanalyq kezdesýdiń qorytyndy Hattamasyn tájirıbeli iske asyrýǵa kirisýdi usyndy.
«Ortalyq Azııa ıadrolyq qarýdan azat aımaǵy bolyp tabylady jáne óńirimizde osy máselede kóshbasshylyqty ózine alý múmkindigi bar. Álemniń barlyq ıadrosyz aımaqtary arasyndaǵy yntymaqtastyqty jandandyrýymyz qajet», - dep málimdedi Q.Ábdirahmanov. Mınıstr Iаdrosyz aımaqtar sammıtin ótkizý týraly Memleket basshysynyń bastamasy Ortalyq Azııany ıadrosyz aımaqtar arasyndaǵy kooperasııanyń ózine tán ózegi retindegi rólin bekitýge baǵyttalǵanyn habarlady. Qazaqstan BUU Qaýipsizdik Keńesiniń turaqty emes múshesi retinde osy máseleni BUU alańynda ilgeriletýge kúsh salýǵa daıyndyǵyn bildirdi.
Kezdesý barysynda Qazaqstan tarapy Túrikmenstannyń memleket basshylary deńgeıinde Ortalyq Azııa jalǵyz ınstıtýsıonaldyq dıalogtyq alań bolyp tabylatyn Halyqaralyq Araldy qutqarý qorynyń tóraǵasy ornynda qyzmetin qoldady.
О́ńirlik qaýipsizdik jáne transshekaralyq qaýip-qaterlerge qarsy birlesken kúres máseleleri talqylandy. Qatysýshylar óńir elderiniń Aýǵanstandaǵy ahýaldy turaqtandyrý boıynsha úlesin jáne Ortalyq Azııa elderiniń AIR-men yntymaqtastyqty quptady. Bul rette Q.Ábdirahmanov aǵymdaǵy jyly qyrkúıekte Astanada «Aýǵanstanda áıelderdiń quqyqtary men múmkindikterin keńeıtý» О́ńirlik konferensııasyn ótkizý mańyzdylyǵyn atap ótti jáne 2019 jyly EQYU joǵary deńgeıde Aýǵanstan boıynsha kezdesýdi uıymdastyrýdy usyndy.
Syrtqy saıası vedomstvolarynyń basshylary jalpyóńirlik máselelerdi sheshýde, besjaqty yntymaqtastyqty nyǵaıtýda ortaq tásilderdi ázirleý úshin osy formattaǵy kezdesýlerdi uıymdastyrýdyń mańyzdylyǵy týraly ortaq pikirdi bildirdi.
О́ńirlik yqpaldastyqtyń kóptegen máseleleri boıynsha Ortalyq Azııa elderiniń ustanymdary óte jaqyn ekeni jáne óńir elderi dıalogyn jandandyrý usynylǵany atap ótildi.
Mınıstrler 2019 jyly О́zbekstanda Naýryzdyń qarsańynda ótýi josparlanǵan Ortalyq Azııa elderiniń joǵarydaǵy kelesi konsýltatıvtik kezdesýdi daıyndaý úshin turaqty besjaqty SIM-aralyq konsýltasııalardy jáne sarapshylardyń kezdesýin ótkizýdiń qısyndylyǵyn atap ótti.
SIM basshylary Qyrǵyzstannyń Syrtqy ister mınıstri E.Abdyldaevqa jáne qyrǵyz tarapyna besjaqty kezdesýdi tabysty uıymdastyrǵandary úshin alǵys bildirdi.
Otyrystyń qorytyndysy boıynsha qatysýshylar Birlesken málimdeme qabyldady.
