Ortalyq Azııa elderi basshylarynyń kezekti konsýltatıvti kezdesýi 2019 jyldyń naýryz aıynda Tashkentte ótedi. Al syrtqy ister mınıstrleriniń jınalysyn kelesi jyly Tájikstanda ótkizý josparlanǵan.
Ortalyq Azııa elderi prezıdentteriniń tuńǵysh konsýltatıvti kezdesýi Astanada ótken bolatyn. Keıinirek SIM basshylary Cholpon Atada bas qosty.
Kezdesý qorytyndysy boıynsha syrtqy saıası vedomstvolardyń basshylary birlesken málimdeme jasady. Olar Ortalyq Azııa elderi arasyndaǵy memlekettik shekaralardyń halyqaralyq quqyqtyq rásimdeý prosesindegi oń dınamıkaǵa, aımaqtaǵy dinaralyq jáne shekaralyq yntymaqtastyqty belsendi etýge qoldaý bildirdi.
Taraptar halyqaralyq terrorızmmen jáne ekstremızmmen, esirtkiniń zańsyz aınalymymen, transulttyq uıymdasqan qylmyspen jáne óńirlik qaýipsizdikke qater tóndiretin ózge de qaýiptermen kúreste yntymaqtastyqty ári qaraı damytý qajettigin atap ótti. О́ńir elderi saýda-ekonomıkalyq baılanys pen ózara saýdany ári qaraı nyǵaıtý úshin qolaıly jaǵdaı jasaý úshin jumys isteıtin bolady. Sonymen birge, ishki óńirlik ınvestısııalyq yntymaqtastyqty damytýdyń Ortalyq Azııa elderi arasyndaǵy iskerlik orta úshin mańyzdy ekeni aıtyldy. Ortalyq Azııadaǵy sý-energetıkalyq resýrstardyń keshendi qoldanylýy qajettigin aıtty jáne óńirdegi barlyq memleketterdiń tutynýshylyǵy men múddeleri eskerilip, ózara yntymaqtastyqtyń uzaq merzimdi mehanızmderin ázirleýdiń mańyzdylyǵyn atap ótti.
