Sýǵa batý oqıǵalary jıilep ketti

«Ertis ózeniniń jaǵa­syn­da 22 jaǵajaı ashyldy. Biraq tur­ǵyn­dar oblys or­ta­lyǵyndaǵy sý­ǵa shomylý úshin asa qaýipti jáne ruq­­sat etil­­megen oryndarǵa baryp sý­­ǵa túsedi», deıdi qutqa­rý­shy­lar. Departamenttiń jedel-qut­qarý jasaǵynyń habarlaýynsha, statıs­tıka sýdaǵy oqys jaǵdaılardyń 90 paıyzy sho­mylýǵa arnal­maǵan jerlerde bo­latynyn kórsetedi.

О́ńirdegi ózen-sýlarda 50-den asa osyndaı qaýipti jerler bar, son­dyq­tan tekserilmegen sý aıdynd­a­rynyń túbi qaýipti, on­da temir, qoqys jáne taǵy basqa zattar kezdesedi. Ekin­shiden, bul jerlerde qatty aǵyn, jartas, ıirim bolýy múmkin. Úshinshiden, sýǵa túsý­ge ruqsat etilmegen jerler­de dabyl túse salysymen kó­mekke keletin qutqarýshy bol­maıdy. Shomylýǵa ruqsat be­rilmegen jerlerdegi tur­ǵyn­dar ózde­riniń jeke qaýipsizdigi, bala­larynyń qaýipsizdigi týraly oılanbaıtyny ókinishti.

Mysaly, bas qutqarýshy Er­qanat Aqqo­zınovtiń aı­týyn­sha, óńirde sýǵa shomy­lýǵa ruqsat berilgen ja­ǵajaı­larda birde-bir adam­nyń qaza bolýy tirkelmepti. О́ıt­keni bul jaǵajaılar sý jaǵa­laýlarynyń qaýip­siz aımaǵy sanalady. Oblystyq tó­ten­she jaǵdaılar depar­tamenti mamandary bilim berý basqarmasymen bir­lesip, byltyr 1,5 myńǵa jý­yq oqýshyny sýda júzýge de úıretti.

Qazir jaz maýsymynyń basynan bastap qutqarý bólim­sheleri men súńgýir apat­­tyq-qutqarý jasaǵy kez kelgen qaýiptiń al­dyn alý úshin kúsheıtilgen re­jimde jumys isteýge kóshken. Senbi jáne jeksenbi kúnderi Jasybaı jáne Sa­byndykól kólderi demalys aımaqtarynda de­malý­shylardyń sany 10 myń adamǵa jetedi. О́tken ap­tada qutqarý jıletinsiz kata­ma­randa serýendeýshiler Jasybaı kóline batyp kete jazdap, der kezinde qutqa­rylypty.

Qazir Ertis ózenindegi sý­dyń deńgeıi joǵary. Son­dyqtan sýǵa shomylý kezinde saq bolý qajet. Jaǵajaılarǵa jaqyn jáne asa qaýipti jerlerde 100-den as­tam eskertý jáne tyıym salý belgisi or­natylǵan. Tótenshelikterdiń aıtýynsha, oqys oqıǵalardyń aldyn alý úshin shomy­lýshylarǵa arnalǵan arnaıy jaǵajaı­lardyń qataryn áli de kóbeıte túsý qajet. Oblys boıynsha 192 kól, 7 sha­ǵyn ózen jáne Ertis ózeni bar. Barlyq aýyldyń, aý­­da­n orta­lyq­tarynyń tur­­­ǵyn­dary Ertis óze­ni jaǵa­laýynda demalyp, sýǵa túsedi.

Qazir ózen jaǵalaý­la­ryn­da­ǵy 26 jaǵajaıda 99 qu­t­­qarýshy, je­del-qut­qa­rý jasa­ǵynyń qyz­met­ker­l­eri kezekshilikte. Oblys­tyq den­saýlyq saqtaý bas­qar­masy­nyń málimetinshe, bı­ylǵy jyldyń 6 aıy ara­lyǵynda jas erekshelikteri ártúrli 7 bala sýǵa ketken, 5 bala bıik­­tik­ten qulaǵan. Bas­qarma ata-ana­lardan balalardy qa­raý­syz qaldyrmaýdy suraıdy.

Farıda BYQAI,

«Egemen Qazaqstan»

PAVLODAR