Memleket zańsyzdyqtyń kez kelgen áreketine qatań tosqaýyl qoıady

Keshe Memleket basshysy Nursultan Nazarbaevtyń tóraǵalyǵymen Qaýip­siz­dik Keńesiniń otyrysy ótti. Qaýipsizdik Keńesiniń otyrysy bary­syn­da Mańǵystaý oblysynyń Jańa­ózen qalasyn­daǵy jaǵdaı talqylandy. Bas prokýror A.Daý­ylbaev, UQK Tór­aǵa­sy N.Ábiqaev, jaýap­ty memlekettik organdardyń ókilderi sóz sóıledi. Oty­rys­ty Memleket basshysy qory­tyndylady. Elbasynyń Qazaqstan halqyna arnaý sózinde bylaı delingen:

Qurmetti qazaqstandyqtar!

Keshe Mańǵystaý oblysynyń Jańaózen qalasyndaǵy merekelik is-shara kezinde bir toptyń qylmystyq áreketi saldarynan jappaı tártipsizdik oryn aldy. Táýelsizdik mereıtoıyn merekeleý úshin orta­lyq alańǵa jınalǵan beıbit azamattar buzaqy­lar­dan quralǵan toptyń shabýylyna ushyrady. Qoǵamdyq tártipti buzǵan buzaqylar polısııa qyzmetkerlerine shabýyl jasap, merekege baılanysty qoıylǵan kıiz úıdi qıratyp, polısııanyń avtobýsyn órtep jiberdi. Olar beıbit turǵyndardy uryp-soǵyp, alańǵa taıaý turǵan avtokólikterge zaqym keltirip, olardy jaǵyp jiberdi. Basbuzar top zańsyz áreketti toqtatýǵa shaqyrǵan quqyq qorǵaý organdarynyń eskertýlerin tyńdamaı, qarýlaryn tartyp alý maqsatynda quqyq qorǵaý organdary­nyń qyzmetkerlerine shabýyl jasady. Jappaı tártip buzýshylyq kezinde qa­lalyq jáne selolyq ákimdik ǵımarattary, qonaq úıler, «О́zenmunaıgaz» kompanııa­sy­nyń ákimshilik ǵımaraty órteldi. Jeke jáne zańdy tulǵalardyń múlik­te­ri qırady, avtokólikter órtendi, bankomattar, dúkender, bankter jáne t.b. tonaldy. Barlyǵy 46 nysan shabýylǵa ushyrady. Shaǵyn qalada shamamen barlyq nysan sha­býylǵa ushyrady, órteldi nemese qıra­tyldy. О́kinishke oraı, osy tártipsizdik sal­da­ry­nan adamdar, bizdiń azamattarymyz qaı­tys boldy. Aldyn-ala málimetter boıynsha, 10 adam qaıtys bolǵan, aýyr jaraqattar al­ǵan, jaralanǵandar arasynda polısııa qyzmetkerleri bar. Polısııa qyzmetkerleri ózderiniń qyz­mettik mindetterin buljytpaı oryndady jáne zań boıynsha óz ókilettikteri aıasynda áreket jasady. Qaıtys bolǵandar men zardap shek­ken­derdiń árqaısysynyń otbasy, jaqyn týys­tary bar. Men olardyń qaıǵylaryna ortaqtasyp, kóńil aıtamyn. Qaıtys bolǵandar men zardap shekken­der­diń otbasylaryna kómek kórsetiletin bolady. Jappaı tártipsizdik faktileri boıynsha qylmystyq is qozǵaldy. Meniń tapsyrmam boıynsha Ishki ister mınıstri bastaǵan jedel tergeý toby quryldy. Ol komıssııa jappaı tártipsizdikti uıymdastyrýshylardy tabý jáne jazaǵa tartý, qaladaǵy qoǵamdyq qaýipsizdikti qalpyna keltirý jónindegi barlyq qajetti sharany qabyldaıdy. Qazirgi ýaqytta jaǵdaı quqyq qorǵaý organdarynyń baqylaýynda. Kináli adamdar zań boıynsha jazaǵa tartylatyn bolady. Osy oraıda, munaıshylardyń eńbek daý­yn ózderiniń qylmystyq nıetteri úshin osy jaǵdaıdy paıdalanyp qalǵysy kelgen bu­zaqylardyń áreketimen shatastyrýǵa bol­maı­dy. Biz bul ispen kim aınalysqanyn, qaı­dan qarjylandyrylǵanyn ashatyn bolamyz. Osy jyldar ishinde Jańaózen halqy­nyń áleýmettik jaǵdaıyn sheshý úshin kóp­tegen sharalar atqaryldy. Jalaqy kólemi joǵarylady. Ár elde shashyrap júrgen otandastarymyzdy Jańaózenge shaqyrdyq. Olarǵa barlyq jaǵdaıdy jasadyq. Osy úshin olar memleketke rıza bolýy tıis. Jańaózendegi eńbek daýyn sheship, oryn alǵan jáne qabyldanatyn sharalardy tur­ǵyn­darǵa túsindirý úshin Úkimettiń, «Qaz­mu­naıgazdyń» arnaıy komıssııasy barady. Bas prokýratýraǵa ózge quqyq qorǵaý or­gan­darymen birlesip oryn alǵan jaǵ­daıdy jiti tekserýdi, aqparattyń barynsha ashyq­ty­ǵyn qamtamasyz etýdi, nátıjesi týraly ha­lyqqa habarlaýdy, qajet bolǵan jaǵdaıda táýelsiz sarapshylardy tartýdy tapsyramyn. Eskeretin jáıt, osyndaı oqıǵalar, jappaı tártipsizdikter búginde dúnıe júzi elderinde de bolyp turady. Sondyqtan oǵan jahandyq qarjy-eko­no­mıkalyq daǵdarystyń áserinen bolǵan álem­dik resessııanyń saldary dep qaraǵan jón. Biz osy jyldardyń ishinde elimizdegi turaqtylyqty, beıbitshilik pen kelisimdi nyǵaıttyq. Biz osy berekeli birligimiz arqyly bıik belesterdi baǵyndyrdyq. Biz Qazaqstanda qalyptasqan beıbitshilik pen tynyshtyqty buzýǵa, bizdiń táýel­siz­di­gi­mizdiń jetistikterin tárk etýge eshqandaı jaǵ­daıda da jol bermeımiz. Sondyqtan jurtshylyqty alańdatar­lyq­taı eshqandaı sebep joq. Jaǵdaı tolyǵymen baqylaýda. Zańnyń aty – zań. Zańnyń talaptary barlyǵymyz úshin birdeı. Zań qalanyń qaýipsizdigi men turǵyn­dardyń tynyshtyǵyn qamtamasyz etý úshin qoldanylatyn bolady. Memleket bizdiń azamattarymyzdyń ty­nyshtyǵy men qaýipsizdigin buzýshylyqtyń kez kelgen áreketine qatań tosqaýyl qoıady. Barsha qazaqstandyqtardy bizdiń elimiz úshin jat áreketti aıyptaýǵa, tynyshtyq saq­taýǵa shaqyramyn. Jańaózendikterdi aqylǵa jáne baısal­dylyqqa shaqyramyn. Biz bul máselelerdiń barlyǵyn anyq­taıtyn bolamyz. Jańaózen qalasynyń ekonomıkasyn qal­pyna keltirý, órtengen nysandardy qal­pyna kel­tirý úshin jáne eń bastysy, aza­mattardyń qaýipsizdigin qamtamasyz etý úshin men Kons­tı­týsııaǵa jáne tótenshe jaǵ­daı týraly zańǵa sáıkes Jańaózen qala­synda tótenshe jaǵ­daı­dy engizý týraly Jarlyq shyǵaramyn. Jar­lyq búginnen bastap 20 kún kúshinde bolady. Eger biz oǵan deıin barlyq máseleni anyq­ta­saq, ty­nyshtyq ornasa, ol kez kelgen ýaqytta kú­shin joıady.