Endi sibir shyrshasy, taýly qaraǵaı, kazak arshasy, dala badamy jáne kúmis jalpaq qala saıabaǵyn bezendiredi. Sonymen qatar saıabaqta túrli-tústi gúlder otyrǵyzyldy. Qalpyna keltirilgen aýla oryndyqtarynyń janyna jańa qoqys jáshikteri ornatyldy. О́ıtkeni saıabaq ádemi ǵana emes, sonymen qatar taza bolýy kerek.
QR Tuńǵysh Prezıdenti - Elbasy Qorynyń atqarýshy dırektorynyń orynbasary Sultan Aıtjanovtyń aıtýynsha, elordamyz kún saıyn ózgerýde. Astana turǵyndary men qonaqtaryna arnalǵan jańa demalys oryndary ashylýda. Tuńǵysh Prezıdenti Qory elordamyzdyń kógaldandyrylýyna óz úlesin qosýda. Búgin Qordyń bastamasy boıynsha Jánibek pen Kereı Handar kósheleri men Álıhan Bókeıhan kósheleriniń qıylysynda ornalasqan saıabaq qalpynana keltirildi. Saıabaqtyń qasynda Nazarbaev ortalyǵy ornalasqan.
Bul ǵımaratta árdaıym jastarǵa arnalǵan mádenı is-sharalar ótkizilýde. Al saıabaqtyń qasynda turatyn astanalyqtar endi jańa saıabaqqa kelip serýendeı alady. Sonymen qatar balalar úshin jańa sport alańy ashyldy.
