Jandarbek Bekshın atap ótkendeı, respýblıkada jańa oqý jylynda 7051 jalpy bilim berý mektebine jáne 255 ınternat uıymyna oqýshylar qabyldaý josparlanýda. Búgingi kúni olardyń ishinde 45 mektep apattyq jaǵdaıda (OQO-da - 13, Jambyl oblysynda - 9, Atyraý oblysynda - 8, ShQO-da - 5, Aqtóbe oblysynda - 4, Qyzylorda oblysynda - 2, Almaty oblysynda - 1, Qaraǵandy oblysynda - 2, BQO-da - 1). О́tken oqý jylynda tenderdiń kesh ótkizilýi jáne ýaqtyly qarjylandyrylmaý saldarynan jańa oqý jyly bastalǵansha 119 mektepte jóndeý merziminde aıaqtalǵan joq.
Bıylǵy jylǵy shildeden bastap Qoǵamdyq densaýlyq saqtaý komıtetiniń aýmaqtyq bólimsheleri jergilikti atqarýshy organdarmen birlesip bilim berý mekemeleriniń oqý jylynyń bastalýyna daıyndyǵyn baǵalaý boıynsha jumysty bastady.
Sondaı-aq Qazaqstannyń Bas memlekettik sanıtarııalyq dárigeri Jandarbek Bekshın mektep formasy men sómkelerin tańdaýǵa, oqýshynyń durys kún tártibi men durys tamaqtanýyna baılanysty usynymdarmen bólisti.
Arqaǵa asatyn sómkeni tańdaý kezinde mynadaı usynymdardy saqtaý qajet:
- arnaıy qańqasy bar ortopedııalyq arqalyǵy bar sómkeni/rıýkzakty tańdaý kerek, salmaqty jáne omyrtqaǵa qysymdy birkelki bóletin, balanyń omyrtqasyn buzbaı, onyń arqasyn tik qalypta ustaý úshin qatty bolýy tıis;
- ıyqbaýlary balanyń ıyǵyn aýyr salmaqpen qıyp ketpeýi úshin sıpaǵanda jaǵymdy, jalpaq materıaldan bolýy tıis. Tutqalarynyń uzyndyǵy rettelýi tıis, bala ony tek eki ıyqbaýmen asynýy, bul rette balanyń moınyna salmaq túspeýi tıis;
Balalar portfelderindegi artyq salmaq problemalaryn sheshý úshin 2017 jyldan bastap ár oqýshyny oqýlyqtardy, aýystyratyn aıaqkıimdi jáne sport kerek-jaraqtaryn saqtaýǵa arnalǵan jeke shkafpen qamtamasyz etý boıynsha jobany iske asyrý bastaldy. «Osyndaı sharalar Bilim jáne ǵylym mınıstrligimen jáne Qoǵamdyq densaýlyq saqtaý komıteti mamandarymen E. Bekturǵanovtyń jetekshilik etýimen depýtattyq toptyń birlesken talqylaýynan keıin qabyldandy. Atalǵan sharalar balalar arasynda tirek-qozǵalys apparaty aýrýlarynyń aldyn alý úshin qajet»,- dedi Jandarbek Bekshın.
Kıimdi satyp alý kezinde bala osy kıimdi 5-6 saǵat jáne odan da astam ýaqyt boıy kıetinine jáne birinshi kezekte formanyń tigilgen materıalynyń sapasyna nazar aýdarýy kerek. Quramynda sıntetıkasy az matany tańdaǵan durys. Kúndelikti kııý úshin sıntetıkalyq materıaldan tigilgen forma sáıkes kelmeıdi, sebebi sıntetıkalyq talshyqtardan aýa ótpeıdi. Odan basqa, sıntetıkalyq talshyq allergııa týdyrýy múmkin.
«Biraq sıntetıkadan tolyq bas tartýǵa bolmaıdy, sebebi sıntetıkalyq talshyq kıimniń pishinin «saqtaıdy», kıis beredi» - dep túsindirdi Bekshın.
Forma tigiletin mata balanyń denesi demalatyndaı jáne allergııanyń aldyn alý úshin gıgıenalyq qasıetke ıe tabıǵı materıaldardan (toqyma, maqta, jibek) jáne vıskozadan bolǵany durys.
