Baqytjan Ábdiraıym Qazaqstan Kásipodaqtar federasııasynyń tóraǵasy qyzmetine ótken jyldyń qarasha aıynda taǵaıyndalǵan bolatyn, Atyraý oblysyna jumys saparymen alǵash kelýi. Oblys basshysy qonaqty óńirdiń salalyq jáne jergilikti kásipodaqtarynyń tóraǵalaryna tanystyrdy, sondaı-aq Atyraý oblysynyń áleýmettik-ekonomıkalyq damýy týraly áńgimeledi.
«Qazirgi ýaqytta óńirde, sonyń ishinde oblys aýmaǵynda jumys isteıtin kásipodaqtardyń tabysty jumystarynyń nátıjesinde oń damý dınamıkasy baıqalady. Memleket basshysy Joldaý men basqa baǵdarlamalar aıasynda alǵa qoıǵan barlyq mindetterdi iske asyrýǵa qarajatymyz jetkilikti. Biz Atyraý oblysyn damytýda birlesip jańa belesterdi baǵyndyramyz dep senemin», - dedi kezdesýde N.Noǵaev.
Kezdesý barysynda Baqytjan Ábdiraıym óńirdiń eki kásipodaq tóraǵasyna Astananyń 20 jyldyǵy qurmetine mereıtoılyq medaldardy tabys etti. Baqytjan Ábdiraıym qatysýshylarǵa Qazaqstan Kásipodaqtar federasııasy Atyraý oblystyq fılıalynyń tóraǵasy Izturǵan Baımuhanovty tanystyryp, oǵan jańa qyzmetinde tabys tiledi.
Izturǵan Baımuhanov mamandyǵy boıynsha ınjener-geolog. Qatardaǵy tehnıkten «QazMunaıGaz» BО́ AQ «Embimunaıgaz» kásiporny О́F dırektoryna deıin eńbek jolynan ótti. Sońǵy jıyrma jyl boıy óńirdiń iri munaı-gaz kásiporyndarynda basshylyq laýazymdardy atqardy.
