Bul joly da biz mingen avtobýstyń júrgizýshisi yńyrana kóterilip kele jatqan kúıi «Marýsá bulaqqa» keldik dedi. Kólik qara aǵashtyń janyndaǵy burylǵan jolǵa toqtady.Birge kele jatqan Nursultan, Aıgerim, Aınur esimdi balalar ydystaryn alyp, bulaq basyna qaraı enteleı júgirdi.Qaraaǵashtyń túbindegi ústel basynda kóje satyp, bir qyz otyr eken.Bıdaı kójesin,qymyranyn satyp, kóleńkede dastarqanyn jaıyp saýdasyn jasap otyrǵan jaıy bar.Bıdaı kóje usynǵan Baǵıla qyzdy áńgimege tarttyq.
- Osy jerde Qymyz satatyn bir bala otyrýshy edi?-dedik.
- E, ol Nurken ǵoı... Kórshimiz.
- Qymyzdyń aqshasyn ne isteısiń?-desek, ol oılanyp turyp:
- Kóp bolsyn da, sosyn úılenemin, -deıtin.
- Qazir Ashysaıda jumys isteıdi.
Úzyn joldaǵy asý alqynyndaǵy bulaqtyń nege Marýsııa ekenin surap, kezinde Kentaýdaǵy avtokombınatta uzaq jyl dırektory bolǵan, aqyn aǵamyz Rahym Balabıevke telefon shalyp habarlastyq. Ol kisi surapyl saǵys jyldary Reseı jaqtan kelgen qyzǵa baılanysty áńgimeniń baryn estigenin aıtady.
Teberik bulaq tas úńgir,
Qulama jartas, jasyl qyr.
Asqary arqar, tekeli –
Ájimbet ata mekeni...
Bulaq basynda bul joly barǵanymyzda rettep jónge keltirip qoıypty. Mı qaınatar shilińgir shildede Qarataýdyń teriskeı asatyn asýyndaǵy bulaq basynda taqta qoıypty. Sozaqqa qaraı bet alǵan tusta teberik bulaq basyna osylaı tas qaıǵanyna rızashylyq bildirdik. Týǵan jer tósindegi júrginshilerdin ystyq kúnde sý ishetin orynǵa óleń joldaryn arnaǵany kóńil qýantty. Osyǵan qýanǵandaı, asýdyń alqymyndaǵy shymyrlap qaınaǵan bulaq byldyr-byldyr birdeńe aıtatyndaı. Shirkin dersiz.
Asý alqymyndaǵy alqynǵan bulaq...
Saparbaı PARMANQUL,
«Egemen Qazaqstan»
Ashysaı asýy,
Túrkistan oblysy
