Kezdesýde sóz alǵan aýdandyq ardagerler keńesiniń tóraǵasy Amangeldi Ýálıev, aýdan ákiminiń orynbasary Jaqsylyq Abdolov, «Shuǵyla» gazetiniń dırektory-bas redaktory Ahmedııar Batyrhanov, aýdandyq máslıhat depýtaty Berik Yqsanov, eńbek ardageri Samıǵa Qaıyrova, Kásipkerler palatasynyń Batys Qazaqstan oblysyndaǵy bólimshesiniń dırektory Jasulan Basyrov «Rýhanı jańǵyrý» baǵdarlamasyn iske asyrý barysy týraly habardar etip, aýdandaǵy ózekti máseleler týraly óz oılaryn ortaǵa saldy.
Atap aıtqanda, Jánibek aýdanyndaǵy akademııalyq baqty arnaýly uıym retinde qurý, oblys ortalyǵynan shalǵaıdaǵy Jánibek, Bókeıorda jáne Kaztalov aýdandaryn 2021 jylǵa deıin keń jolaqty ınternetpen qamtamasyz etý, Jánibek aýdanyna «Batyr aýdan» mártebesin berý máselelerin kóterdi.
Agrarlyq mekemelerdiń ókilderi senatorlarǵa aýyl sharýashylyǵynyń ózekti máseleleri týraly aıtty. Sondaı-aq Oral-Jánibek avtomobıl jolynyń qurylysyn jedeldetý týraly da usynys aıtyldy. Sapar barysynda E. Muqaev pen N. Tóreǵalıev 20 turǵyn úıdiń qurylys alańdarynda bolyp, eldi mekenderdi gazben jáne aýyz sýmen qamtamasyz etý, aýyl ishindegi joldardy jóndeý jumystarymen tanysty.
