Delegasııany basqarma tóraǵasy A.Kúrishbaev, Basqarma tóraǵasynyń strategııalyq josparlaý, ǵylym jáne halyqaralyq baılanystar jónindegi orynbasary S.Mogılnyı, veterınarııa jáne mal sharýashylyǵy tehnologııasy fakýltetiniń dekany S.Abdrahmanov qarsy aldy.
Rektor A.Kúrishbaev ýnıversıtettiń halyqaralyq qyzmetimen qysqasha tanystyryp, bul kezdesý QazATÝ qabyrǵasynda aýylsharýashylyq salasynda joǵary tehnologııalardy damytý arqyly keń aýqymdy máselelerdi talqylaýǵa múmkindik beretinin, osylaısha Qazaqstan men Qytaıdyń ózara tıimdi halyqaralyq qatynastarynda agroónerkásiptik keshendi damytýǵa jańa serpin jasaıtynyn atap ótti.
Kezdesý barysynda Qazaq-Qytaı bıoqaýipsizdik zerthanasynyń tusaýkeser rásimi ótkizildi. Zerthana aýyl sharýashylyǵy janýarlarynyń aýrýlaryn serologııalyq, bakterıologııalyq jáne molekýlıarly-genetıkalyq (PTR) dıagnostıkalaý men sapaly anyqtaýǵa baǵyttalǵan. Sondaı-aq organıkalyq, Qytaıǵa eksporttalatyn taǵam qaýipsizdigin baqylaıtyn bolady. Qurylǵan zerthana BSL-2 halyqaralyq qaýipsizdik standarttaryna sáıkes keledi, biraq onyń qurylymy, barlyq ınjenerlik kommýnıkasııalary men jabdyqtary BSL-3 qaýipsizdik standarttaryna saı jasaqtalǵan.
Eki tarap arasynda ózara yntymaqtastyq jóninde kelissózder júrgizildi. Sondaı-aq Qytaı aýyl sharýashylyǵy ǵylymdar akademııasynyń prezıdenti Tang Hýadjýnǵa S.Seıfýllın atyndaǵy Qazaq agrotehnıkalyq ýnıversıtetiniń qurmetti professory ataǵy berildi.
«Egemen-aqparat»
