«Eń aldymen mynany aıtqym keledi, Denıs Ten ólimine qatysty jaǵdaıda IIM jedel tártippen tilshilerge eń ózekti aqparattardy usyndy. Al sol aqparatty tekserýge biraz ýaqyttyń ketetindigi basqa másele. Tipti eń shuǵyl jaǵdaıdyń ózinde de memlekettik organ olardy sáıkesinshe tekserýden ótpesten faktilerin jarııa etýge quqyǵy joq. Buǵan qosa, Qylmystyq-prosestik kodekske sáıkes sotqa deıingi tergeý málimetterin jarııa etýge bolmaıdy. Ol prokýrordyń kelisimimen ruqsat etilgen kólemde ǵana jarııa etýge beriledi. Degenmen, taǵy da qaıtalap aıtamyn, bul joly aqparattyq vakýým týyndaǵan joq, qoǵamnan eshteńe búgip qalynǵan joq», dedi D.Abaev.
Esterińizge sala keteıik, sportshyny kólik urylary tapa tal túste pyshaqtap ketken bolatyn. Aıaǵynan jaraqat alǵan Denıstiń ómirin dárigerler saqtap qala almady.
