Aımaqtar • 27 Shilde, 2018

Emle erejesi eksheledi

379 retkórsetildi

Jýyrda Mádenıet jáne sport mınıstrligi Tilderdi damytý jáne qo­ǵam­dyq-saıası jumys komıteti Shaı­sultan Shaıahmetov atyndaǵy «Til-Qazyna» ulttyq ǵylymı-prak­tı­ka­lyq ortalyǵymen birlesip, Býrabaı baý­raıyndaǵy «Baldáýren» oqý-saýyq­ty­rý ortalyǵynda demalyp jatqan eki júz­den astam oqýshy­nyń qatysýymen qa­zaq tiliniń latyn grafıkasyna ne­giz­­delgen jańa emle erejeleriniń qa­nat­­qaqty jobasyn alǵashqy synama­dan ótkizdi. 

Basty maqsat – jańa emle erejelerin daı­yn­daý barysynda egjeı-tegjeıli aqyl­dasa otyryp, qo­ǵamdyq pikirdi zertteý.

Erejege sáıkes synamaǵa oqýshylar ózderine qoıylǵan alty suraqqa jaýap berýge tıis boldy. Uzyn-yrǵasy alty bet­­tik jınaqtyń alǵashqy paraǵyna sy­­naq tapsyrýshy týraly málimetter tol­­tyrylady. Ekinshi, úshinshi betke la­tyn áripterimen tańbalanǵan sózd­e­r­diń durys nusqasyn tańdaý, kırıllısamen jazylǵan sózderdiń durys jáne yńǵaıly nusqalaryn latyn árip­terimen jazyp shyǵýlary kerek. Soń­ǵy betterde oqýshylar ózderiniń usy­nystaryn bildiredi. Bul arada uıym­dastyrýshylar osy synaq arqyly qazaq tilindegi tól, kirme jáne shetel sózderin latyn álipbıimen tańbalaǵan kezde týyndaýy múmkin kedergiler men kemshilikterdi saraptamaq.

– Alǵashqy synama oqýshylardan bas­talyp otyr. Aldaǵy ýaqytta bar­lyq sala qyzmetkerlerin qaty­s­ty­ra­tyn bolamyz. Synama nátı­je­sinde alynǵan statıstıkalyq, sapal­yq málimetter emle erejeleriniń jal­py­­ha­lyqtyq qoldaýǵa ıe nusqasyn ázir­­leýge septigin tıgizedi, – dedi til­shi­lermen tildesken sátinde «Til – Qazyna» ulttyq ǵylymı-praktıkalyq orta­lyǵynyń atqarýshy dırektory Erbol Tileshov.

Sharaǵa belgili qoǵam qaıratkerleri men til mamandary qatysty.

Baıqal BAIÁDIL,
«Egemen Qazaqstan» 

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar