Is-shara barysynda sheteldik áriptester Qazaqstannyń munaı-gaz jáne energetıka salasyndaǵy aǵymdaǵy jaǵdaıy, «KAZENERGY» Qaýymdastyǵynyń qyzmeti jáne onyń halyqaralyq uıymdarmen yntymaqtastyǵymen tanystyrdy.
QR SIM Syrtqy ekonomıkalyq saıasat departamentiniń dırektory Oljas Isabekov energetıkalyq sektor iri sheteldik ınvestorlarmen belsendi yntymaqtastyq ornatyp jatqan qazaqstandyq ekonomıka úshin negizgilerdiń biri bolyp tabylatyndyǵyn atap ótti. Osyǵan oraı, «KAZENERGY» qaýymdastyǵynyń memlekettik jáne isker sektorlary arasyndaǵy baılanystyrýshy býyn bolyp tabylatyn mańyzdy róli aıtyldy.
Dıplomatııalyq korpýstyń ókilderi «KAZENERGY» Qaýymdastyǵynyń Bas dırektory Áset Maǵaýovtyń eldiń energetıkalyq kesheniniń egjeı-tegjeıli kórinisi týraly baıandamasyna erekshe qyzyǵýshylyq tanytty.
Osylaısha, munaı gaz salasynyń barlyq sektorlarynda ósý baıqalady. 2025 jylǵa qaraı munaı óndirý kólemi jylyna 104 mln. tonna deńgeıine jetedi dep kútilýde. 2017 jyldyń qorytyndysy boıynsha óndirilgen elektr energııasynyń kólemi 15,8%-ǵa ósti, Qazaqstanda elektr energııasyn óndirýdiń jalpy kólemindegi JEK úlesi 1%-dan astam qurady.
Á. Maǵaýov jer qoınaýyn paıdalanýǵa ınvestısııalardy yntalandyrý maqsatynda 2018 jyly «Jer qoınaýlary jáne jer qoınaýlaryn paıdalaný týraly kodeks» jáne jańa «Salyq kodeksi» kúshine engenin atap ótip, zańnamalyq bazaǵa jeke nazar aýdardy. Á. Maǵaýov Ekologııalyq kodeksti jetildirý jónindegi Qaýymdastyqtyń kúsh-jigerleri týraly jeke aıtyp berdi.
Sonymen qatar, brıfıng barysynda Qaýymdastyqtyń Atqarýshy dırektory Talǵat Qarashev qatysýshylardy qazaqstandyq taraptyń IRENA Jańartylǵan energııa kózderi halyqaralyq agenttigi, Halyqaralyq energetıka agenttigi, Dúnıejúzilik munaı keńesi, Energetıkalyq hartııa jáne basqa da mańyzdy halyqaralyq uıymdarmen ózara is-qımyl barysymen tanystyrdy. Bul turǵyda Astanada ótýi josparlanǵan jyl saıynǵy Dúnıejúzilik munaı keńesi, «Investısııalyq múmkindikter: turaqty damý úshin jańa sheshimder» taqyrybyndaǵy arnaıy konferensııa jáne XII «KAZENERGY» Eýrazııalyq forýmy sııaqty iri is-sharalarǵa nazar aýdaryldy.
Dıplomatııalyq korpýs pen tıisti sheteldik ókilder atalǵan is-sharalarǵa belsendi qatysýǵa shaqyryldy.
О́tkizilgen pikirtalas barysynda Qaýymdastyq ókili dıplomatııalyq korpýsty «KAZENERGY»-diń ınstıtýsıonaldy nyǵaıýy, onyń músheleriniń múddelerin qorǵaýǵa baǵyttalǵan jańa bastamalary týraly áńgimelep berdi.
Dıplomatııalyq korpýs energetıkalyq saladaǵy aǵymdaǵy ahýal jáne qazaqstandyq munaı ónimderi naryǵynyń áleýetteri týraly aqparatqa qyzyǵýshylyq tanytty.
