Kezdesýi qazaqstandyq mánerlep syrǵanaýshy, Sochı Olımpıadasynyń júldegeri Denıs Tenniń mezgilsiz qaıtys bolýyna baılanysty, 1 mınýttyq eske alýmen bastaldy.
Oıynnyń alǵashqy mınýttarynan bastap «Astana» komandasy basymdyqty óz qolyna alyp, shabýyldaýmen boldy. Ara-tura uıymdastyrylǵan shabýyldar kóbine nátıjesiz aıaqtalyp jatty. Degenmen 31-mınýtta alań ortalyǵynda dop vengrııalyq fýtbolshy Laslo Klıaınhaısler qarsylastyń qorǵanys shebinde paıda bolǵan bos keńistikti utymdy paıdalanyp, «Mıdtıýlland» qaqpashysy Iesper Hansendi qapy qaldyrdy. Esep – 1:0. Qonaqtar taım sońyna deıin esepti teńestirýge umytylǵanymen, bári nátıjesiz aıaqtaldy.
Ekinshi taımnyń qonaqtar qarqyndy bastady. Oıynnyń 51-mınýtynda danııalyqtar esepti teńestirip ketti. Bul nátıje syrt alańdaǵy qarymta kezdesý aldynda «Astana» úshin qaýipti esep bolǵandyqtan, elorda komandasy búkil ujym bolyp shabýylǵa umytyldy. Tóreshi qosqan qosymsha ýaqyttyń sońǵy mınýtynda Laslo Klıaınhaısler aıyp alańynyń orta tusynan taǵy da kúshti soqqy baǵyttap, «Astanaǵa». Qorytyndy esep – 2:1. Eki komanda arasyndaǵy qarymta kezdesý 1 tamyz kúni Danııanyń Hernıng qalasynda ótedi.
