«О́tken kezeńde josparlanǵan óndiristik qarjylyq kórsetkishterdiń barlyǵy oryndalyp, ótken jyldyń osy kezeńimen salystyrǵanda olardyń ósimi qamtamasyz etildi, - dedi Q. Alpysbaev.
Júk aınalymy byltyrǵymen salystyrǵanda 9%-ǵa artyp, 106,5 mlrd t-km-di qurady. Barlyq tasylǵan júkterdiń ishinde taý-ken, astyq, hımıkattar, tyńaıtqyshtar jáne qurylys júkteriniń tasymaly artqan.
2018 jyldyń sońyna deıin júk aınalymyn 219 mlrd. t-km deńgeıine jetkizý josparlanýda.
Tranzıt ótken jylǵy deńgeımen salystyrǵanda 23%-ǵa, ıakı 6,8 mln tonnadan 8,3 mln tonnaǵa kóbeıgen. Osy turǵyda jospar 7 paıyzǵa artyq oryndalyp otyr. Tranzıttik konteınerlik tasymal kólemi 206,6 myń DFE-ni qurady, bul 2017 jylmen salystyrǵanda 39,5%-ǵa joǵary. Qytaı/Azııa-Eýropa – Qytaı/Azııa baǵytyndaǵy tasymal 2017 jylǵy deńgeıden 1,4 esege artyp, 109 myń DFE-ni qurady.
Tranzıttik damytýǵa basymdyq bergen kompanııa basshysy «Memleket basshysynyń tranzıttik júk aınalymy kólemin 2020 jylǵa deıin 2 mln konteınerge jáne tranzıtten túsetin paıdany 5 mlrd dollar kólemine jetkizý boıynsha tapsyrma bergenin» eske saldy.
Qazirgi tańda kompanııanyń 26% kirisi tranzıttik tasymal esebinen quralyp, ol jalpy júk aınalymy kóleminiń 14%-n quraıdy.
Otyrys barysynda kompanııanyń qozǵalys qaýipsizdigin qamtamasyz etý, júk jáne jolaýshylar tasymaly, temir jol ınfraqurylymynyń jaǵdaıy, kóliktik-logıstıka, óndiristik - qarjylyq qyzmetterdiń damýy týraly basshylar esebi tyńdaldy.
Bul máseleler boıynsha jumys qorytyndysy týraly Basqarma tóraǵasynyń logıstıka boıynsha orynbasary S.Elýbaev, «QTJ» UK» AQ bas ınjeneri B.Kotyrev, «QTJ-Júk tasymaly» AQ Basqarma tóraǵasynyń m.a. Q.Sáýirbaev, «Jolaýshylar tasymaly» AQ Basqarma tóraǵasy A.Sultanov, Magıstraldyq jeliler Dıreksııasynyń dırektory T.Kenjebekov, «Qaztemirtrans» AQ bas dırektorynyń m.a. K. Sýlımenov baıandady.
Otyrysta sonymen qatar Qostanaı jol bólimshesiniń dırektory B. Qaıdarov jáne Almaty magıstraldyq jeli dıreksıchsyna qarasty Beskól jol dıstansııasynyń bastyǵy M. Eskendirov sóz sóıledi. Olar júk tasymalyn uıymdastyrý, kútip ustaý jáne paıdalanýdaǵy ozyq tájirıbelerimen bólisti.
«Kompanııanyń birinshi kezektegi mindeti - poıyzdar qozǵalysynyń qaýipsizdigin qamtamasyz etý jáne tehnologııalyq tártipti saqtaý», - dep atap ótti kompanııa basshysy.
Mańyzdy qyzmet baǵyttarynyń qatarynda áleýmettik mańyzdy júkterdiń ýaqytyly tasymalyn qamtamasyz etý máselesi aıtyldy.
«Kompanııa kommýnaldyq-turmystyq qajettilikter úshin qatty otyn, aýylsharýashylyǵy ónimderiniń úzdiksiz jáne turaqty tasymalyn uıymdastyrý úshin kerek múmkindikterge ıe»,- dedi osyǵan oraı Q. Alpysbaev.
«QTJ» UK» AQ Basqarma tóraǵasy óndiristik úderisterdi ońtaılandyrý, ınfraqurylymdy jańǵyrtý, tranzıttik konteınerlik júk aınalymyn, tasymal kólemin ósirý, poıyzdar qozǵalysy qaýipsizdigin qamtamasyz etý boıynsha barlyq josparlanyp otyrǵan sharalardy sapaly júzege asyrý qajettigin atap ótti.
