Otanymyz – ortaq

Oblys delegasııasynyń qu­ramynda Astanadaǵy Táý­el­­siz­dik saraıynda Ult kósh­bas­shy­sy Nursultan Nazar­baevtyń respýblıka Táýel­siz­diginiń jı­yr­ma jyldy­ǵyna arnalǵan sózin tikeleı tyńdadym. Jú­rek­ten shyq­qan sóz ǵana jú­rek­ke jetedi degendeı, Elbasynyń táýel­siz­diktiń qa­dir-qasıeti jáne ony odan ári ny­ǵaıtý jó­­nin­de barsha qazaqstan­dyq­tarǵa ar­naǵan shy­naıy tilegi men lebizi bárimizdi tolqyt­ty. Memleket basshysy ózi­niń sózinde eldiń basty baı­lyǵy birlik ekenine birneshe ret toq­taldy. Jaratýshy ege­men el halqynyń ıyǵyna orasan zor júk pen aýyrt­palyq sal­ǵanyn aıta kelip, ony birge sezinýdi jany qalaıtynyn jetkizdi. Sóz joq, táýelsizdik bári­miz­diń baǵa jetpes qundyly­ǵymyz bolyp tabylady. Ony kózdiń qarashyǵyndaı qorǵaı bilýdiń de orny erekshe. Táýelsiz­di­gi­mizdi odan ári nyǵaıta túsý oǵan qol jetkizýden bir mysqal kem tús­peıtin asa jaýapty is dep tujyrym jasaǵym keledi. Bul rette Nursultan Ábish­uly óz sózinde táýelsizdik­tiń eń basty jetistigi jáne ony nyǵaıtýdyń basty shar­ty – halyqtar birligi ekenin atap kórsetti. Bul qundy­lyq Qazaqstan damýy­nyń kez kelgen satysynda aı­ryq­sha mańyzǵa ıe bolmaq, dep shegeleı tústi odan ári Elbasy. Saltanatty jıyndaǵy só­zin qorytyndylaı kele Memleket basshysy oǵan qa­tysýshylar­dyń nazaryn táý­elsizdiktiń jal­ǵyz tiregi – birlik ekenine taǵy da aýdar­dy. О́z basym Táý­elsizdik saraıynda Prezı­dent­tiń kez kelgen qazaqstandyqtyń jú­re­giniń túkpirindegi oıdy dóp basatynyna tánti bolyp otyrdym. Ásirese Nursultan Ábishulynyń Otanymyz – ortaq, tilegimiz – bir, maqsa­ty­myz – aıqyn degen sózderi bá­rimizdi ájeptáýir qanat­tan­­dyryp tastady. Biz, Qazaqstanda turatyn ózge ult ókilderi osynaý oı­ly sózderdiń arǵy astary­nan memleket quraýshy ult­tyń tóńire­gine tyǵyz toptasa túsý qajet­ti­ligin de sezingendeı boldyq. Tek sonda ǵana jeri jumaq, eli ba­qytty Otanymyzdyń kúsh-qýaty, ekonomıkasy men má­denıeti, yrysy men nesibesi odan ári arta bermek. Táýel­siz­diktiń jıyrma jyldy­ǵyna ar­nalǵan saltanatty jıynda Ult kóshbasshysy atap kórsetken­deı, ortaq ota­nymyz Qazaq­stan­nyń odan ári damýyna úlesi­miz­di qosý bárimizdiń ortaq mindetimiz bolyp qala bermek. Elbasy búginde etnostar ara­syndaǵy jarasymnyń biregeı úlgisine aınala bilgen Qa­zaq­stan halqy Assambleıa­syn qu­rýǵa bastamashy boldy. Bú­gin­de bul úılesim men tájirı­bege álemniń kóptegen elderi nazar aýdaryp otyr. Aıtaıyn degenim, Assambleıa ózi quryl­ǵan kúnnen el birligin nyǵaıtý men ultaralyq qarym-qaty­nastardy tereńdetýge yqpal jasap keledi. Biz muny da táýel­sizdikpen birge kelgen tamasha qundylyq dep tanı alamyz. Olga DERGAChEVA, Oral qalasyndaǵy evreı etnomádenı birlestiginiń tóraıymy. Oral.