Stansııaǵa sý Esil ózeninen alynyp, 12 metr tereńdikte ornalasqan arnaıy kamerada saqtalady. Eski qural-jabdyqtar jańalanyp, ǵımarattyń jumysy tolyǵymen avtomatty júıege kóshirildi. “Qazsýshar” respýblıkalyq memlekettik kásiporny “Esil sý” fılıalynyń bas ınjeneri Nıkıta Zabavınniń aıtýynsha sorǵy stansııasy men 116 shaqyrym qubyr qalpyna keltirilgen. Bul maqsat úshin respýblıkalyq bıýdjetten 4,6 mıllıard teńge jumsalǵan.
“2018-2020" jyldarǵa arnalǵan joba quny 6,9 mıllıard teńgeni quraıdy. Ol boıynsha 19 aýylǵa jańa qubyrlar tartylady”, deıdi bas ınjener.
Zamanaýı tehnıkalyq qondyrǵylardyń arqasynda barlyq jumys prosesi kompıýter arqyly baqylanady. Sý shyǵynynyń birshama azaıǵany baıqalady. Buǵan deıin 1 lıtr tirshilik kózindegi laılaný mólsheri 1,1-1,2 ml. gramdy qurasa, endi 0,7-ge deıin tómendegen.
Búginde Presnovka toptyq sý qubyry jóndelýde. Onyń alǵashqy kezeńine 7,8 mıllıard teńge qarastyrylyp, 19 aýyl taza sýmen qamtylmaq. Olardyń qatarynda Mıhaılovka, Novodýbrovnoe, Senjarka, Kladbınka, Semakı Pchelıno sııaqty eldi mekender bar. Tutastaı alǵanda 280 shaqyrym magıstraldy jeli qosylyp, otyzǵa jýyq aýyldyń turǵyndary sý azabynan qutylatyn bolady.
Bıyl Shal aqyn, Tımırıazev jáne Ǵabıt Músirepov atyndaǵy aýdandary úshin sorǵy stansııasy iske qosylyp otyr.
“Qazsýshar” kásipornynyń “Esil sý” fılıaly óńirimizdegi 11 jáne Qostanaı oblysyndaǵy 2 aýdanǵa tirshilik kózin jetkizýmen aınalysady.
О́mir ESQALI,
«Egemen Qazaqstan».
Soltústik Qazaqstan oblysy.
