Joǵaryda atalǵan jaıt «Qazaqstan Respýblıkasynyń Azamattyq avıasııadaǵy medısınalyq saraptama men tekserý qaǵıdalary» atty №324 buıryǵynyń 58-tarmaǵyn, «Azamattyq áýe kemeleriniń paıdalanýshylary úshin sertıfıkattaý talaptaryn bekitý týraly» №153 buıryǵynyń 2 paragraftyń 8 tarmaǵynyń 3 tarmaqshasynyń sertıfıkattaý talaptaryn, sondaı-aq «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Zańnyń 16-3-babynyń 5-tarmaǵyn óreskel buzý bolyp tabylady.
«NAK KAZAVIA» JShS-i 2018 jyldyń 25 tamyzyna deıin óz qyzmetkerleri aldyndaǵy qaryzdaryn jáne salyq organdary aldyndaǵy tólemderin óteýdi qamtamasyz etýi tıis.
Sonymen qatar, sertıfıkatty qaıtaryp alý týraly habarlamany alǵannan keıin on kúntizbelik kún ishinde paıdalaný erekshelikteri bar áýe jumystaryn oryndaýǵa berilgen kýáliktiń túpnusqasyn azamattyq avıasııadaǵy ýákiletti organǵa qaıtarýy qajet. Azamattyq avıasııa komıteti óz jumysynda ushý qaýipsizdigin qamtamasyz etý úshin eń qatań sharalardy qoldaný tájirıbesin ustanady jáne ushaqtardy paıdalanýshylardyń barlyǵyn ushý qaýipsizdigi talaptaryn saqtaýǵa shaqyrady.
Eske sala ketsek, Iаk-12 ushaǵy 2017 jyldyń 27 shildesi kúni Almaty oblysy Panfılov aýdany Sholaqaı aýylynyń mańynda qulaǵan bolatyn. Apat saldarynan eki adam qaza tapty.
