«О́zimniń kezdesýlerim men tanysqan jumystarym kórsetkendeı, memleket qorǵanys isine kóp kóńil bóledi ári qarjylandyrýda da esh kemistik joq. Bizdiń qaýipsizdigimiz senimdi qolda dep aıtýǵa bolady. Qostanaıdaǵy barlyq nysandardy aralap, problemalyq máselelerdi talqylaıtyn bolamyz» dedi Dastan Shaımerdenuly.
Bas áskerı prokýror Qostanaı oblysynda oqý oryndary, garnızondarda, elimizdegi shekaranyń soltústik jáne shyǵys baǵyttaryn qamtıtyn «Soltústik» shekaralyq áskerı basqarmasynda bolyp, olardyń jumysymen tanysty.
«Shekaralyq beketter, ótkizý oryndary buryn tehnıkalyq jaǵynan nashar jabdyqtalatyn. Qazir osy kemshiliktiń ornyn toltyrýǵa ekonomıkalyq múmkindik jetkilikti. Kórshi Reseı de shekarasyn qorshap, tehnıkalyq jabdyqtap jatyr, munyń barlyǵynyń halyqaralyq standarttarǵa saı normalary bar. Biraq bul bir jylda bite qalmaıdy, ýaqytty talap etedi, aldaǵy jyldary birtipdep atqarylady» dedi prokýror.
Dastan Sartaev bul oraıda Qostanaı oblysy óńirinde atqarylar jumystyń az emes ekenin aıtty. Reseıdiń úsh oblysymen shekara 1400 shaqyrymdy quraıdy. Osynsha aımaqty jaraqtandyrý ońaı sharýa emes ekenin de eske saldy. Bas áskerı prokýror Qostanaı oblysyndaǵy áskerı garnızondarda qylmystyń kúrt qysqarǵanyn aıtty. О́tken jyly oryn alǵan jeti quqyq buzýshylyqtyń barlyǵy da sotqa jetken joq, eki jaqty kelisimmen, túsinistikpen aıaqtalǵan. Burnaǵy jyldardaǵydaı áskerı boryshyn ótep júrgender arasyndaǵy álimjettilik, qol jumsaý bolmaǵan. Ol bul jóninen Qostanaı oblysy úlgililer qatarynan oryn alatynyn málim etti.
Bas áskerı prokýror Dastan Sartaev «Sıfrly Qazaqstan» memlekettik baǵdarlamasynyń tek azamattyq sala ǵana emes, qorǵanys salasyndaǵy áskerı vedomstvolardyń da osy ozyq tehnologııaǵa ótip jatqandyǵyn aıtty.
«Bizdiń salaǵa kelsek, baryq qylmystyq isti qaraý elektrondyq formatqa ótedi. Qazir Qorǵanys mınıstrligi, ulttyq gvardııa, shakaralyq ásker – barlyǵy da osy is úshin qajetti tehnıkalardy alyp jatyr.Demek sıfrlandyrý áskerge de, qorǵanys isine, barlyǵyna ortaq ári óte qajet nárse» dedi Dastan Sartaev.
Názıra Járimbet,
«Egemen Qazaqstan»
Qostanaı
