– Jaqyn arada «Nurly jer» baǵdarlamasy boıynsha taǵy 195 otbasyna jańa páter berý josparlanyp otyr. Qazirgi tańda azamattardyń tólem qabileti boıynsha tizim jasaqtalýda. Bıylǵy jyldyń sońyna deıin osy shaǵyn aýdanda qosymsha 9 úıdi paıdalanýǵa berý josparlanǵan, deıdi turǵyn úı- kommýnaldyq sharýashylyǵy, jolaýshylar tasymaly jáne avtokólik joldary bóliminiń basshysy Rafhat Joldıev.
– Men «az qamtylǵan otbasy» kategorııasy boıynsha kezekte turmyn. Biraz ýaqyt otbasymmen eski páterde turdyq, keıin birneshe jyl páter jaldaýǵa týra keldi. Búgin bizge óz úıimizdiń kilti berildi, – deıdi Atyraý qalasynyń turǵyny Salaýat Mútálıev.
Aıta keteıik, jaqyn arada «Bereke» shaǵyn aýdany keńeıtiledi. Bolashaqta bul jerde
40 kópqabatty turǵyn úı boı kóteredi dep josparlanǵan. Bıylǵy jyly «Berekede» 1200 oryndyq mektep pen 290 oryndyq 2 balabaqshanyń qurylysy bastalady.
– Qazirgi ýaqytta «Nursaıa» shaǵyn aýdanynda 105 páterli 2 kópqabatty turǵyn úı paıdalanýǵa berýge daıyn. Bul kóp-qabatty turǵyn úıler «TQJB» salymshylaryna beriledi, – deıdi turǵyn úı-kommýnaldyq sharýashylyǵy, jolaýshylar tasymaly jáne avtokólik joldary bóliminiń basshysy R. Joldıev.
Atyraý qalalyq ákimdigi bergen aqparat boıynsha, qazirgi tańda 20 myńǵa jýyq adam úı kezeginde tur, óńirde turǵyn úı máselesi kezeń-kezeńimen sheshimin tabatyn bolady.
Baqytgúl BABASh,
«Egemen Qazaqstan»
ATYRAÝ
