Lıýdmıla Bıýrabekovanyń aıtýynsha dárilik zattar boıynsha Eýropalyq agenttik (EMA), AQSh-tyń tamaq ónimderi men dári-dármekteri sapasyn sanıtarlyq qadaǵalaý basqarmasy (FDA) Lınhaı provınsııasynda (QHR) ornalasqan qytaıdyń Chjeszıan Hýahaı Farmasıýtıkals kompanııasymen óndirilgen belsendi sýbstansııa valsartandy naryqtan qaıtaryp alýda.
«Qaıtaryp alý sebebi – preparattyń belsendi sýbstansııamen keıbir partııalarynda qaýipti qospanyń bolýy. Valsartan preparttary qan qysymy joǵary naýqastarǵa qoldanylady. Qaıtaryp alý qytaılyq kompanııa óndirýshilerine jetkizetin valsartan belsendi farmsýbstansııasynda N-nıtrozodımetılamın (NDMA) tabylǵannan keıin bastamashylyq etildi. NDMA yqtımal adam kanserogeni retinde jikteledi. Onyń valsartanda bolýy, belsendi zattyń óndirilý tásiliniń ózgerýimen baılanysty dep esepteledi. EMA, FDA qazir NDMA deńgeıin jáne preparatty qabyldaǵan pasıentterdiń yqtımal áserin baǵalaýdy júrgizýde. Jańa aqparat jarııalanǵan kezde, ol retteýshi organdardyń saıttarynda da jarııalanady. Valsartan belsendi farmasevtıkalyq sýbstansııasy myna preparattarda anyqtalǵan. Olar, Nortıvan, tabletka úlbirli qabyqpen qaptalǵan 40 mg, 80 mg, 160 mg óndirgen «Gedeon Rıhter» AAQ, Vazar tabletkalar 40 mg, 80 mg, 160 mg jáne Vazar-N tabletkalar 80/12,5mg, 160/12,5 mg, 160/25 mg, óndirgen BalkanFarma-Dýpnısa AD jáne úshinshisi Kombı Kardofıks-sanovel Plıýs tabletkalar 5/160/12,5 mg, 5/160/25 mg, 10/160/12,5 mg, 10/160/25 mg óndirgen Sanovel Farmako- ındýstrııalyq saýda kompanııasy, Túrkııa. Valsartan bar dárilik preparattardy óndirýshiler osy preparattyń belsendi zatyna shıkizat shyǵaratyn kompanııadan osy shıkizattyń qanaǵattanarlyqsyz sapasy týraly habarlama aldy. «Gedeon Rıhter» AAQ ókildigi haty negizinde 2018 jyldyń 10 shildesinde Qazaqstan Respýblıkasy Densaýlyq saqtaý mınıstrliginiń Farmasııa komıtetiniń tóraıymynyń buıryǵymen 40 mg, 80 mg jáne 160 mg úlbirli qabyqpen qaptalǵan tabletkalardaǵy Nortıvan dárilik zatynyń birqatar toptamalary qaıtaryp alyndy. Sanovel kompanııasy tirkeý sátinen bastap óz ónimderin Qazaqstan aýmaǵyna ákelgen joq. Qazaqstan Respýblıkasy Densaýlyq saqtaý mınıstrliginiń Farmasııa komıtetiniń ishki tergeýi barysynda Vazar preparatynyń tirkeý kýáligin qaıtaryp alý týraly sheshim qabyldandy. Preparattar aýyr dertterdi emdeýde qoldanylǵandyqtan, emdeýshi dárigerdiń ruqsatynsyz preparattardy qoldanýdy toqtatýdyń qajeti joq. Osyǵan baılanysty, kórsetilgen óndirýshilerdiń valsartanyn qoldanatyn barlyq naýqastarǵa dereý dárigerge baryp, peraparttardy aýystyrýy kerek», dedi Farmasııa komıtetiniń tóraıymy.
Sonymen qatar ol Balkan farma óndirýshisi óz óndirisiniń preparatyn qabyldaǵan pasıentterdi qadaǵalaýdy óz mindetine alatynyn jetkizdi.
«Qaıtaryp alýǵa jatatyn preparatty qabyldaǵan naýqastarǵa jaǵymsyz áserler paıda bolǵan jaǵdaıda emdeýshi dárigerge barý qajet, ol ári qaraı dárilik preparatty óndirýshige qabyldaýmen baılanysty anyqtalǵan áserler týraly baıandaıdy. Sondaı-aq, mundaı áserlerdi óndirýshiniń Qazaqstandaǵy ókildigi «Ratiopharm Kazakhstan» JShS-ǵa 8 (727) 325 1615 telefony boıynsha týraly habarlaýǵa bolady», dedi «Ratiopharm Kazakhstan» JShS medısınalyq dırektory Zaıra Smaılova.
