Álem • 03 Tamyz, 2018

«Vınnı-Pýh» kitabynyń túpnusqa ıllıýstrasııasy 570 myń AQSh dollaryna satyldy

855 ret

kórsetildi

1 mın

oqý úshin

CNN telearnasynyń habarlaýynsha, A. A. Mılnnyń 1926 jyly jaryq kórgen «Vınnı-Pýh» kitabyna arnaıy salynǵan túpnusqa ıllıýstrasııa Sotheby’s aýksıonynda rekordtyq baǵa – 570 000 AQSh dollaryna satyldy. Sotheby’s aýksıon úıi týıtter paraqshasynda: «Vınnı Pýhtyń júz akr ormanynyń túpnusqa ıllıýstrasııasy 430 000 fýnt sterlıngke satyldy. Bul aýksıonda osyǵan deıin satylǵan kitap ıllıýstrasııalarynyń eń qymbaty» dep jazǵan.

Egemen Qazaqstan

«Vınnı-Pýh» kitabynyń túpnusqa ıllıýstrasııasy 570 myń AQSh dollaryna satyldy

«Júz akr orman» karta-sýreti – E.H. Shepardtyń týyndysy. Sýretshi ony 1926 jyly arnaıy kitap úshin salǵan. Mamyr aıynda Sotheby’s rarıtetke 130 000 men 200 000 AQSh dollary aralyǵynda baǵa qoıǵanyn habarlaǵan.

50 jyl boıy qupııa bolyp kelgen karta-sýret – balalar ádebıetindegi eń tanymal ıllıýstrasııa. Kitaptyń ishki betine qoıylǵan karta Vınnı-Pýh pen dostarynyń qyzyqty oqıǵalary qaı jerde ótkenin baqylaý úshin oılastyrylǵan.

Kitapta sýretti basty keıipkerlerdiń biri hám Vınnı Pýhtyń dosy Krıstofer Robın saldy delingen. Kartanyń astynda «Men saldym, mıster Shepard kómektesti» dep jazylǵan. Sonymen qatar kartaǵa qosa kompas usynylyp, batys, shyǵys, ońtústik, soltústik degen sózderdiń ornyna Pýhtyń aty dep jazylǵan.

«Júz akr orman» sýreti Londonnyń ońtústiginde ornalasqan Ashdaýn ormanynyń áserimen salynǵan. Eń alǵash ret karta sýretin 1926 jyly Shepard jeke kolleksıonerge satqan eken.

Baǵashar TURSYNBAIULY,

«Egemen Qazaqstan»