Mańǵystaý oblystyq aýyl sharýashylyǵy basqarmasynyń basshysy Serik Qaldyǵuldyń aıtýynsha, onyń ishinde: asyl tuqymdy mal sharýashylyǵy boıynsha 30 asyl tuqymdy mal sharýashylyǵy sýbektisi tirkelgen (2017j.-30 sýbekt). Qoı sharýashylyǵynda – 3 sharýashylyq (qoı -10 481 bas), jylqy sharýashylyǵynda - 17 sharýashylyq (jylqy 3091 bas), túıe sharýashylyǵynda – 8 sharýashylyq (túıe -1709 bas) jáne sıyr sharýashylyǵynda – 2 sharýashylyq (sıyr-312 bas) tirkelgen. Jalpy alǵanda oblys kóleminde asyl tuqymdy mal basynyń sany 15 593 bas bolyp otyr.
Sondaı-aq, qazirgi tańda oblys boıynsha shóp shabý jumystarymen 30 brıgada aınalysýda.
Statıstıkalyq málimetke sáıkes, osy jyldyń 6 aıynda - iri qara mal sany – 23 410 bas bolyp 19,1% ǵa (01.07.2017 - 19 656 bas), qoı-eshki – 532 708 bas bolyp 3,7% ǵa (2017 jyly - 513 026 bas), jylqy – 92 954 bas bolyp 11,5% ǵa (2017 jyly - 83 348 bas), túıe – 69 966 bas bolyp 11,8% ǵa (2017 jyly – 62 597 bas) bolyp, barlyq mal sany – 719 038 basty – 5,6% (2017 jyly – 678 627 bas) artyp otyr.
Qazaqstan Respýblıkasynda AО́K damytýdyń 2017-2021 jyldarǵa arnalǵan baǵdarlamasynda, jaıylymdy sýlandyrý men shalǵaı jaıylymdaǵy mal sharýashylyǵyn damytýǵa basa nazar aýdarylǵan.
-2017 jyly 1030 gektar jerge, onyń ishinde tamshylata ádisimen 800 gektarǵa kókónis-baqsha daqyldary egilip, odan 15 800 tonna ónim alyndy. Al bıylǵy jyly 1100 gektar jerge egin egilip 16 800 tonna kókónis, baqsha ónimderi alynady dep josparlanǵan bolatyn, alaıda jańadan qosylǵan jylyjaılar esebinen bul kórsetkishti 18 000 tonnaǵa deıin jetkizýdi maqsat etip otyrmyz. Oblysta 2016-2017 jyldar aralyǵynda barlyǵy 20 aýyl sharýashylyǵy kooperatıvi quryldy. Qurylǵan kooperatıvterdiń baǵyty: 1 shubat óndirý, 3 mal soıý, 14 et, shubat óndirý jáne 2 kókónis-baqsha daqyldaryn óndirý. Qazirgi tańda 20 kooperatıvtiń 13 jumys jasap tur, 6 kooperatıv óz jumysyn toqtatýda, deıdi Mańǵystaý oblystyq aýyl sharýashylyǵy basqarmasynyń basshysy Serik Qaldyǵul.
Respýblıka boıynsha egin sharýashylyǵyn sıfrlandyrý tapsyrmasynyń birinshi kezeńi - ónirdegi egistik alqaptardy sıfrlandyrý boıynsha (elektrondyq kartasyn qalyptastyrý) jyl basynan beri 7 aı ishinde oblysymyzdyń kartaǵa engizilgen aýmaq - 1160,08 ga (jospar – 1100 ga) qurady, oryndalýy - 113% jetti.
QR Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan memlekettik baǵdarlamasy aıasynda shaǵyn qalalar men aýyldyq eldi mekenderde kásipkerlikti onyń ishinde aýyl sharýashylyǵy salasyn damytý maqsatynda, 2017 jyly oblysqa 474,0 mln teńge bólinip tolyqtaı ıgerilgen bolatyn. Nátıjesinde 130 adamǵa nesıe berilip, shamamen 219 adam jumyspen qamtyldy.
Bıylǵy jylǵa bólingen qarjy – 1 244 mlrd teńgeni qurap, 2017 jylmen salystyrǵanda - 3 esege kóbeıip otyr. Eger osy qarajatty tolyq ıgergen jaǵdaıda, shamamen 500 adamǵa nesıe berilip, 750 adam jumyspen qamtylady dep kútilýde.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
