О́ńirde kembaǵal jandar arasynda «temir tulpar» tizgindegisi keletinder qarasy kóp bolǵanymen, arnaıy jabdyqtalǵan kólik bolmaǵandyqtan júrgizýshilik kýálikke qol jetkize almaı keledi. О́zi qatarlas qurby-qurdastarynyń arman-maqsatyn júzege asyrýǵa qulshyna kirisken Sálimhan Sábıtov jýyrda jarym jandarǵa arnalǵan avtomekteptiń jobasyn Almaty qalasynda sátti qorǵap keldi.
«Mundaı joba elimizde alǵash ret iske qosylǵaly otyr. Tyń ıdeıa jan-jaqty súzgiden ótip, «Ravnaıa doroga» dep atalatyn joba qoldanysqa engiziledi. Biz múgedek adamdardyń ómirge tolyqqandy aralasýlary úshin barlyq múmkindikterdi týdyrýǵa umtylamyz», deıdi «Qoǵamdyq kelisim» KMM-niń jetekshi sarapshysy Sálimhan Sábıtov.
Tyń baǵdarlama «Metall grýpp» kompanııasy tarapynan qoldaý taýyp, 2 mıllıon teńge bólinipti. Bul qarajatqa «Lada granta» avtokóligi satyp alynyp, Reseıdiń Chelıabi qalasynda múgedek adamdarǵa yńǵaılanyp ózgertilmek. «Temir tulpardy» júrgizýdiń qyr-syryn arnaıy avtomektepte meńgergennen keıin ózderi de emin-erkin tizgindeıtin bolady.
Dárigerlerdiń qorytyndysy boıynsha júrgizýshi kýáligin alýǵa ruqsat etilse, ynta-tilek bildirgen ǵarip jandar qysqa merzimdi kýrstarǵa jazylýlaryna bolady. Avtomektep uıymdastyrýshylar olardy jumysqa ornalastyrý, qosymsha tabys tabý joldaryn da oılastyryp otyr.
"Altyn Qyran" seriktestigi de 4 mılllıon teńge mólsherinde qarjylyq qoldaý kórsetýge ázir. Bul qarjyǵa taǵy bir «temir tulpar» satyp alynbaq. Oqý baǵasy 15 myń teńgeni quraıdy.
«ARDOS-Júrek» múgedekter birlestiginiń jetekshisi Aqjan Kárimniń sózine qaraǵanda "Imperıal" taksoparkimen kelisim-shart jasalyp, jumysqa ornalastyrý múmkindigi qarastyrylǵan. Bolashaqta tehnıkalyq qyzmet kórsetý stansııasyn da qurylmaq. Sóıtip kólikterdi kórshi elge aparmaı-aq kembaǵal jandar úshin jabdyqtap beredi.
Búginde oblys ortalyǵynda 8 myńnan astamy tirek qımyl júıesi buzylǵan múgedek adamdar turady.
О́mir ESQALI,
«Egemen Qazaqstan»
Petropavl
