Astanalyq oblystan bastady

Saılaý-2012 Dúısenbi kúni «Nur Otan» HDP respýblıkalyq qoǵamdyq shtabynyń ókil­deri Aqmola oblysy Aqkól aýdany Naýmovka aýylynda boldy. Nurotandyqtardyń aıtýynsha, olar óz kezdesýlerin aýyldan bastaǵany kezdeısoqtyq emes. «Qazaq­stan. 2017 maqsattary. Ult­tyq is-qımyl jospary» saı­laýaldy tuǵyrnamasy ba­symdyqtarynyń biri aýyl­dy damytý bolyp ta­bylady. «Nur Otan» buryn da aýylǵa qoldaý kórsetýge arnalǵan birqatar baǵ­dar­lamalardy ázirlegen edi. Olardyń ishinde jumyspen qamtý, aýyldyq kásip­ker­likti damytý baǵdarlama­la­ry bar. Al «Dıplommen – aýylǵa!» partııalyq joba­sy­nyń iske asyrylýy aýyl­dyq jerlerge 14 myńnan astam dáriger men muǵalim­derdi tartýǵa múmkindik berdi. Osy joba jalǵasyn ta­ba­dy, aýylǵa endi basqa da mamandar baratyn bolady. Bas­ty maqsat – aýyl turǵyn­dary­nyń ómir súrý deńgeıin qalalyqtarǵa jaqyndatý. Naýmovka – shaǵyn aýyl. Osynda jáne onyń úsh bó­lim­shesinde, ıaǵnı Fılıppovka, Vınogradovka jáne О́rnekte bir jarym myńnan astam adam turady, barlyǵy – 500-ge jýyq aýla. Nurotandyqtar «Hleborob» kásipornynyń jumysshylarymen kezdesip, Naýmovka aýylynyń kóshe­le­rinde turǵyndarmen partııa Tuǵyrnamasynyń ustanym­da­ryn túsindirdi, sondaı-aq jergilikti dúkenniń baǵa­la­ry­men tanysty. «Bizdiń partııamyzdy el Prezıdenti Nursultan Ábish­uly Nazarbaev basqarady. О́z­derińizge belgili, Elbasy­myz aýyldyń damýy úshin barlyǵyn jasap jatyr. «Nur Otan» partııasynyń da agro­ónerkásiptik keshendi odan ári damytý úshin de, aýyl­dar­dy kórkeıtý úshin de naqty is-sharalar jospary bar. Biz­diń partııa – naǵyz halyqtyq partııa», – dep atap ótti «Nur Otan» HDP Tóraǵasynyń birinshi orynbasary, respýb­lı­kalyq saılaýaldy shtab jetekshisi Nurlan Nyǵmatýlın. Jańa tehnologııalar, eks­porttyq áleýetti qoldaný jáne ónimdiliktiń 2 esege ósýi agroónerkásiptik keshen­niń básekege qabilettiligin qam­­tamasyz etedi, delingen partııanyń baǵdarlamalyq qu­­jatynda. Partııa nazary­nyń basty obektisi aýyl­dyq­tardyń ózderi, olardyń áleýmettik máseleleri bo­lyp tabylady. Olardyń tabystaryn ul­­ǵaıtý úshin 5 jyldyq merzimge 3 mıllıonǵa deıingi mıkronesıelerdi bólý arqyly aýyldyq kásip­ker­likke qol­daý kórsetiletin bolady. Jýyq aradaǵy 5 jylda or­talyqtanǵan sý júıesimen aýyldyq eldi mekenderdiń 65 paıyzy qamtylady. Partııa jergilikti joldardy qaıta qurý, abattandyrý, kó­galdandyrý saıasatyn jal­ǵastyrady. El Prezıdenti, partııa Tór­aǵasy Nur­sultan Nazar­baevtyń bastamasy­men ázirlengen «Balapan» baǵ­darlamasy boıynsha ba­labaqshalar qurylysy jal­ǵasyp keledi. Shaǵyn mektepter máselesin sheshýdi de kózdeıdi. Utqyr kólik me­dısınasyn damytý da osy qatarda. Turǵyn úı jaıy da nazardan tys qalmaǵan. Dastan KENJALIN. Aqmola oblysy.