Kólik ishine kóp fýnksıonaldy kreslolar ornatylǵan. Sonymen qatar ystyq jáne sýyq sýdyń bolýy da dárigerler úshin qolaıly jaǵdaı týdyrmaq. Búgingi tańda jedel járdem qyzmetine kúnine 600-deı shaqyrtý túsedi. Táýlik boıy 25 brıgada kezekshilik etedi.
Avtomobıl parki de únemi jańartylý ústinde. Máselen, ótken jyly 9 jańa gazel kóligi alyndy. Qazir stansada 77 kólik bar. Olar planshettermen jabdyqtalyp, sıtýasııalyq ortalyqpen baılanys ornatqan. Jedel járdem beketi árbir qalalyq emhanalardyń janynan qurylǵan.
Tımýr Ǵapshákirov, reanımatolog: – Qazirgi tańda kelgen kólik tolyq túrde mamandandyrylǵan apparattarmen jabdyqtalǵan. Onyń ishinde ókpeni jasandy tynystandarý apparaty jáne turaqty túrde ottegimen qamtamasyz etý qyzmeti bar.
