«Ulttyq aqparattyq tehnologııalar» AQ 2018 jylǵy 4 tamyz kúni saǵat 21.00-den bastap 5 tamyz kúni 09.00-ge deıin telekommýnıkasııalyq qural-jabdyqtarynda josparly profılaktıkalyq jumystarynyń júretini týraly habarlaıdy. Osyǵan baılanysty Sizge birqatar ınternet-resýrstar qysqa merzimde qoljetimsiz bolýy múmkin», - delingen taratylǵan habarlamada.
Atap aıtqanda, QR Ulttyq kýálandyrýshy ortalyǵy, "Elektrondyq úkimet portaly", "E-lısenzııalaý" portaly, "Elektrondyq úkimettiń tólem shlıýzi", QR Biryńǵaı notarıattyq aqparat júıesiniń saıty, QR Aqparat jáne kommýnıkasııalar mınıstrligi men QR Investısııalar jáne damý mınıstrligi saıttary ýaqytsha jumysyn toqtaýy yqtımal. Budan bólek, QR Texnıkalyq baıqaýdyń biryńǵaı aqparattyq júıesiniń saıty, QR Densaýlyq saqtaý mınıstrliginiń, QR Ulttyq qaýipsizdik komıtetiniń, QR Qorǵanys jáne aeroǵarysh ónerkásibi mınıstrliginiń, QR Memlekettik qyzmet isteri jáne sybaılas-jemqorlyqqa qarsy is-qımyl agenttiginiń, QR Konstıtýsııalyq keńesiniń, sondaı-aq QR Joǵarǵy sotynyń ınternet-resýrstary qoljetimsiz bolady.
