Ozat oqýshylar – ozyq bilim ordasynda

Kólik salasyna­ qyzy­ǵýshylyqty artty­rý maqsatynda qolǵa alyn­ǵan jańa joba  bilimdi te­reńdetý, sonymen qatar oqý­shylardyń mamandyqty sanaly túrde tańdaýyna yqpal etedi. Konkýrstyń ereksheligi, jeńimpaz atan­ǵan ozat oqýshylar Uly­brıtanııanyń Krenfıld ýnıversıtetiniń aerokosmos mektebine ta­ǵylymdamadan ótýge ba­rady. Konkýrstyń qa­tysýshylary negizinen barlyq oblys­tyń jalpy bilim berý mektepteriniń 16 men 18 jas aralyǵyndaǵy oqýshylary.

О́ńirlik irik­teý týrlaryn oblys ákim­­dikteri men Astana, Al­maty jáne Shym­kent qa­la­larynyń ákimdikteri uıymdastyrǵan. Olar­dyń ishinen búginde fınaldyq irikteý kezeńine 85 adam ótip otyr. Ár komanda 4 oqýshydan jáne 1 komanda jetekshisinen tu­rady. Fınaldyq irik­teý týryn Krenfıld ýnı­­versıtetiniń ókilderi ót­kizbek. Fınal­dyq irik­teý qory­tyndysy bo­ıynsha 40 oqý­shy oqý-ta­nymdyq saparǵa ji­beriledi.

Komıssııa múshe­leri qatysýshylardy shy­ǵar­­mashylyq oıy já­ne usynystyń tıimdi­ligi, ­aǵylshyn tilin qol­da­nýy jáne berilgen tap­syrmalarǵa durys jaýap berýi boıynsha baǵalap otyr. 

Bul sharaǵa Tuńǵysh Prezıdent – Elbasy Qory at­qarýshy dırektorynyń orynbasary Sultan Aıtjanov, Ádilet vıse-mınıstri Natalıa Pan, Ulybrıtanııanyń Qazaq­stan­daǵy elshisi Maıkl Djon Gıfford jáne  Nazarbaev ýnıversıtettiń vıse-prezıdenti Erden Qusaıyn qatysty. Sondaı-aq mektep oqýshylary úshin ta­­bys tarıhy týraly jáne avıatransport ınjeneri mamandyǵy týraly «Eır Astana» ókilderi Muhamedjan Mustafın jáne tehnıkalyq qyzmet kórsetý boıynsha aǵa menedjer Rýslan Shaıahmetov leksııa­lar oqydy. О́z kezekterinde Krenfıld ýnı­versıtetiniń aerokosmos mektebiniń ókilderi Iаn Hol­lın­gvort aerokosmos dınamıkasynyń álemi týraly, Frenk Iýkes  ushaqtardy modeldeý týraly, leıtenant-polkovnık Endrıý Hoýlton  tikushaq operasııalary týraly áńgimelep berdi. 

«Atalǵan konkýrs bala­larǵa tehnıkalyq maman­dyq­tardy durys tańdaýǵa, aǵylshyn tiliniń deńgeıin arttyrýǵa kómektesedi, sondaı-aq álemniń úzdik aerokosmos mek­tebine ba­rý­ǵa múmkindik beredi. Bizdiń min­detimiz – jas ónertapqyshtarǵa qoldaý kórsetý», deıdi Tuńǵysh Prezıdent – Elbasy Qory atqarýshy dırektorynyń orynbasary Sultan Aıtjanov.

Aıta ketýimiz kerek, aýqymdy sharaǵa «Eır As­tana» ulttyq tasymaldaýshy jáne «Samruk-Kazyna Trust» korporatıvtik qory seriktes bolyp otyr. 

Mıras ASAN,

«Egemen Qazaqstan»