«Qostanaıdyń biz úshin tıimdiligi onyń Reseımen jaqyn ornalasýynda bolyp otyr. О́nimdi ótkizýde bizdiń josparymyz úlken. Bizdiń maqsat álemdik naryqa shyǵý bolmaq. Gollandııada jylyna 2 mln teledıdar óndiretin zaýytymyz bar. Al Qostanaıdaǵy zaýyt Táýelsiz dostastyq elderindegi teledıdar shyǵaratyn jalǵyz kásiporyn bolmaq» deıdi qytaılyq kompanııanyń prezıdenti Lı Djın.
Qytaılyq ınvestorlar zaýyt qurylysyna búgin kiriseıin dep otyrǵan joq. Olar jobanyń búge-shigesine deıin zerttep, qarap alyǵan soń ǵana iske kirisetinin aıtty. Joba boıynsha 500 qostanaılyq jumys ornyn tabady. Sonymen qatar HKC Corporation Limited kompanııasy jergilikti kolledj stýdentterin dýaldyq baǵdarlamamen oqytatyn bolady.
Qostanaı oblysynyń ákimi Arhımed Muhambetov qytaılyq ınvestorlarymen bul óńirdegi alǵashqy jumys emes ekenin aıtty. Budan buryn mashına qurastyrý jáne aýyl sharýashylyǵy taýarlaryn óńdeý salasynda da qytaılarmen kelisim bolǵan.
«Búgin biz qytaılyq ınvestorlarǵa Indýstrııalyq aımaqtan oryn usynamyz. Osyǵan deıin munda 11 jobany júzege asyrdyq. Eń bastysy Reseımen salystyrǵanda bizde korporatıvti salyq barlyǵyna – 20 paıyz, al tabys salyǵy bizde kórshilerge qaraǵanda 6 paıyzǵa tómen. Reseıde 18 paıyz bolsa, bizde ol – 12 paıyz.Qytaı kompanııasymen yntymaqtastyqqa biz daıynbyz. Biz mundaı tehnıkanyń 90 paıyzyn syrtqa shyǵaramyz. Zaýyt ónimimen tek Qazaqstandy ǵana emes, Reseıdi de qamtamasyz etýge bolady» dedi Arhımed Begejanuly.
Eki jaqty kelisim boıynsha jobany jáne onyń jol kartasyn júzege asyratyn jumys toby quryldy.
Názıra Járimbet,
«Egemen Qazaqstan»
Qostanaı
Sýret kstnews.kz saıtynan alyndy
