Úgit-nasıhat jumystaryna kiristi

Tirkeýden ótip, aldy­myz­daǵy Parlament Má­jilisi depýtattaryn saılaý dodasyna belsene qatysýǵa umtylǵan partııalar qata­ryn­da aýyldyqtar da ózde­riniń saılaýaldy jumys­taryn júrgizýge belsendi túrde kirisip ketti. Partııanyń saılaýaldy shtabyna habarlasyp, shtab basshysy, aýyl sharýashy­ly­ǵy ǵylymdarynyń dok­tory, akademık Kópma­ǵam­bet Elemesovpen sóıle­sýdiń sáti tústi. – Ústimizdegi jyldyń 1 jeltoqsanynda ózimizdiń se­zimizdi ótkizip, onda par­tııanyń saılaýaldy ju­mys­tarynyń tuǵyrnama­syn bekittik. Sondaı-aq Par­la­ment Májilisi depý­tat­ty­ǵyna kandıdat retinde ar­naıy tirkeýge 23 adamdy usy­ný jóninde sheshim qa­byl­dap, olardyń tizimin ja­saǵan edik. Osylardyń ishinen 18 adam tirkeýden ótti. Endi halyqpen kezdesip, saı­laýaldy jumystarymyzdy júrgizýge kirisip jatyrmyz. Barlyq jerde oblystyq shtab­tarymyz qurylyp, kim­niń qaıda baryp, qandaı uıymdarmen kezdesetindigi aıqyndalýda. Men ózim kúni erteń Atyraý oblysyndaǵy Mahambet aýdanynyń hal­qy­men kezdesýge saparǵa shyq­paq­pyn. Munan keıin Aq­taýda jáne basqa da jerlerde bolamyn. Partııamyzdyń tóraǵasy, aýyl sharýashy­ly­ǵy ǵylymdarynyń doktory, akademık Ǵanı Qalıev bas bolyp, uıymdastyrý ju­mys­­taryn qolǵa alyp jatyr­myz, – dedi bizben áńgimesinde Kópmaǵambet Elemesuly. Partııa shtabyna biz sóı­lesken sátte telefondar shyl­dyrlap, jan-jaqpen habarlasý, qyzý uıymdastyrý jumystary qaınap júrip jatty. Buqaralyq aqparat quraldary ókilderinen de birneshe tildesýler kelip tústi. Jýyqta ǵana Astanada ótken partııanyń sezinde onyń tóraǵasy Ǵanı Qalıev partııanyń aýyldy damytý máselesine erekshe mán beretindigin aıtyp, osy baǵytta usynylatyn usynystar men júrgiziletin jumystardy sarapqa sala kele, aýyldyq jerlerde agroqalashyqtar qurý ıdeıasyn usynǵan bo­la­tyn. Sonymen qatar, «Aý­yl» partııasynyń tuǵyr­na­masy tek agrarlyq máse­lelermen ǵana shektelmeıtindigin, ol el ómiriniń bar­lyq jaǵyn qamtıtyn­dy­ǵyn aıtýǵa bolady. Aýyl­dyqtar halyqpen kezdesý maqsatynda jer-jerlerge attanǵanda óz saılaýshy­lary­nyń arasynda osy jóninde naqty túsinikter berýdi, sondaı-aq olardyń talap-tilegin estip, ony joǵary jaqqa jetkizip, aldaǵy ýaqytta ózderiniń baǵdarlamalyq qujattary­na engizýdi jón sanap otyr. Shtab bastyǵy Kópma­ǵam­bet Elemesov partııa úshin saılaýaldy jumys­tarynyń mańyzdylyǵyn, osy boıynsha atqarylatyn isterdi halyqqa jetkizý qajettigin eskere otyryp, buqaralyq aqparat qu­raldarymen tikeleı baı­lanys jasaýshy mindetin óziniń orynbasary Ǵalym­jan Mádıevke júktedi. Suńǵat ÁLIPBAI. Astana.