Semınarǵa Qytaı Halyq Respýblıkasy Ortalyq Ulttar ýnıversıteti Qazaq fılologııa fakýltetiniń dekany, professor Djan Djınjın jáne onyń serikteri Vı Dı, Meıdýńshıa jáne Garvard ýnıversıtetiniń doktoranty Aleks Ýarýorton, Irandaǵy «Allam Tabatabyı» ýnıversıtetine qarasty turkologııa bóliminiń basshysy Behýrýz Bekbabaıı jáne elimizdegi til ǵalymdarynan A. Baıtursynuly atyndaǵy Til bilimi ınstıtýtynyń dırektory, professor Erden Qajybek, Halyqaralyq Qazaq Tili Qoǵamynyń prezıdenti, professor, akademık О́miruzaq Aıtbaıuly, belgili til ǵalymy Álimhan Júnisbek jáne ınstıtýt qyzmetkerleri, jas ǵalymdar, magıstranttar men doktoranttar qatysty.
Kezekti semınarda sóz alǵan Djan Jınjın myrza osy ýaqytqa deıin qazaq tilin zerttep, zerdelep kele jatqanyn, oǵan qanaǵattanbaı, budan da tereńirek zerttegisi keletinin, ári Qytaı astanasyndaǵy Ortalyk Ulttar ýnıversıtetindegi qazaq tili men ádebıeti mamandyǵynda bilim alyp jatqan stýdentterdiń sany da az emes ekenin aıtyp, qazaq tiline degen qurmetin jetkizdi. Al, Irandyq ǵalym, professor aldymen ózi qazaq tilin tolyq meńgerip alyp, sodan keıin óz elinde qazaq tili men ádebıetin oqytqysy keletinin, túrki tilderiniń ishindegi qazaq tiliniń búgin de, erteń de órkendeı beretinin, eki el arasyndaǵy dostyq sezimin til úırenýden bastaıtynyn aıtty. Al qazaq eline qazaq tilin úırený úshin qurlyq asyp kelgen Garvard ýnıversıtetiniń doktoranty Aleks qazaq tilin úırenýdi álde qashan bastap ketkenin, osyǵan deıin birneshe tildi meńgerse de qazaq tiliniń qunarlylyǵy men baılyǵyna tánti bolǵanyn, budan bylaı qazaq tilin úırenýge shynaıy yntamen kirisetinin aıtyp, óz kózqarasymen bólisti. Ári atalǵan ǵalymdar «qazaq alfabıtin lattyn grafıkasyna kóshirý jóninde» álemdik tájirıbıelerdi ortaǵa salyp, oı tastady.
Semınar sońynda sheteldik ǵalymdarǵa Ahmet Baıtursynuly atyndaǵy Til bilimi ınstıtýty men Halyqaralyq Qazaq Tili Qoǵamynyń atynan sertıfıkattar men til sózdikteri syıǵa tartyldy.
Dúısenáli Álimaqyn,
Ahmet Baıtursynuly atyndaǵy Til bilimi ınstıtýty Grammatıka bóliminiń ǵylymı qyzmetkeri
