Serǵazy Omash 1979 jyly Qaraǵandy oblysynda dúnıege kelgen. RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn (ekonomıst), Qaraǵandy memlekettik tehnıkalyq ýnıversıtetin (ınjener) jáne Qaraǵandy memlekettik tehnıkalyq ýnıversıtetiniń «Femıda» zań akademııasyn (zańger) támamdaǵan.
Eńbek jolyn 2000 jyly Qaraǵandy qalasynyń Oktıabr aýdany boıynsha Salyq komıtetiniń aqparattyq qamtamasyz etý jáne esep bóliminde salyq ınspektory retinde bastaǵan.
2001–2009 jyldar aralyǵynda Qaraǵandy oblysynyń Qaraǵandy q. baılanys jáne aqparattandyrý basqarmasynda, Qaraǵandy oblysynyń Ishki ister departamentinde jumys istegen.
2009–2010 jyldary Astana q. QR Aqparattandyrý jáne baılanys agenttiginiń Aqparattyq tehnologııalar departamentiniń bas sarapshysy, aqparattandyrý salasyndaǵy memlekettik saıasatty iske asyrý basqarmasynyń basshysy laýazymyn atqarǵan.
2010–2012 jyldary — Astana q. QR Baılanys jáne aqparat mınıstrliginiń Aqparattyq tehnologııalar departamentiniń aqparattandyrý salasyndaǵy memlekettik saıasatty qalyptastyrý basqarmasynyń basshysy.
2012–2013 jyldar aralyǵynda — QR Kólik jáne kommýnıkasııalar mınıstrliginiń Kóliktik baqylaý komıteti tóraǵasynyń orynbasary.
2013 jyldan bastap qazirgi ýaqytqa deıin Qazaqstan Respýblıkasy Joǵarǵy Soty janyndaǵy (Qazaqstan Respýblıkasy Joǵarǵy Sotynyń Apparaty) Sottardyń qyzmetin qamtamasyz etý departamentiniń aqparattyq tehnologııalar jáne aqparattyq resýrstardy qorǵaý bóliminiń meńgerýshisi qyzmetin atqardy.
