Jandos Baqbergenulynyń aıtýynsha, Almaty – Qazaqstannyń iri qalasy qalasy ǵana emes, ekonomıkalyq ortalyǵy, ınvestısııalyq turǵydaǵy tartymdy qalalardyń kóshbasshysy. Almaty 2018 jyldyń qańtar-maýsym aılarynda respýblıkalyq deńgeıde (20.3%), bul basqa aımaqtarmen salystyrǵanda eń joǵarǵy kórsetkish, kóterme saýdanyń jartysyn (48%), bólshektep satýdyń tórtten bir bóliginen joǵarǵysyn (30%) qamtamasyz etti.
Qazaqstan Álemdik banktyń Doing Business reıtıngisi boıynsha 36-shy oryndy ıelenip tur. Bul rette, atalmysh reıtıngti shyǵararda Almaty qalasynyń kórsetkishteri esepke alynǵanyn aıta ketý qajet.
Ústimizdegi jyldyń qańtar men maýsym aralyǵynda negizgi kapıtalǵa salynǵan ınvestısııalar kólemi 851 mln. AQSh dollaryn qurady, bul ótken jyldyń qańtar-maýsym aralyǵyndaǵy kórsetkishterge qaraǵanda 22,7% ósim kórsetti.
О́z kezeginde KAZAKH INVEST basty qyzmetiniń biri ınvestısııalyq jobalardy qoldaý bolyp tabylady, negizinen shetel kapıtaly bar jobalar. Osy baǵytta KAZAKH INVEST Almaty qalasyndaǵy ókildigimen shetel kapıtaly bar, ınvestısııalar kólemi 414,8 mln. AQSh dollaryn quraıtyn 11 ınvestısııalyq jobaǵa qoldaý jumystaryn júrgizip otyr. Atalmysh jobalardyń sátti júzege asýy qalamyzda 3 myń joǵary jumys oryndarynyń ashylýyn qamtamasyz etedi. Bul jobalar negizinen óńdeý ónerkásibi men saýda salalarynda. Ústimizdegi jyly jospar boıynsha ınvestısııalar kólemi 252 mln. AQSh dollaryn quraıtyn 7 jobany iske qosý kózdelýde. Mysaly, qytaılyq iri kompanııa CNPC-diń úlken dıametrli dánekerlengen trýbalardy óńdeıtin Asia Steel Pipe Corporation zaýytyn, reseıdiń Estralın kompanııasynyń kabeldik ótkizgishter óńdeıtin KMK Investment zaýytyn, nemis kapıtaly bar elektrli avtobýstardy qurastyrý zaýytyn iske qosý josparlanýda. Qazigi tańda japondyq Tokyo Rope kompanııasynyń sommasy 10 mln. AQSh dollaryn quraıtyn ınjenerlik júıelerdi qorǵaıtyn ónim shyǵaratyn ónerkásibi iske qosylyp, sommasy 32 mln. AQSh dollaryna bolatyn fransýz brendi Lerýa Merlen qurylys materıaldar gıpermarketi ashyldy. Eger atalmysh ónerkásip japondyq Tokyo Rope kompanııasynyń 2-shi jobasy bolsa, fransýzdyq brend Lerýa Merlen de qosymsha taǵy 2 jobany júzege asyrýǵa nıet bildirdi. Jobalar pysyqtalýda.
Sondaı-aq, sommasy 73 mln. AQSh dollaryna jetetin 5 joba baıynsha jumystar atqarylýda. Bul jobalar: fransýzdyq brend Decathlon sporttyq taýarlar gıpermarketi, joǵary tehnologııalyq kir jýý Cotton Way kombınaty, jańa Nobel AFF farmasevtıkalyq ónerkásibi, munaı sortamentiniń qubyrlyq ónimderin shyǵaratyn Asia Steel Pipe Corporation kompanııasynyń ekinshi zaýyty, deıdi Jandos Orazalıev.
Aınash ESALI,
«Egemen Qazaqstan»
