Elbasy Nursultan Nazarbaev «Qazaqstannyń áleýmettik jańǵyrtylýy: Jalpyǵa Ortaq Eńbek qoǵamyna qaraı 20 qadam» atty maqalasynda «Mysaly, óte kókeıkesti bolyp tabylatyn «Qazaqstan quqyǵy» (onyń bolmaýy jastardyń quqyqtyq nıgılızmi men saýatsyzdyǵyna soqtyrady), «О́lketaný» (týǵan jerge mahabbat otanshyldyqtyń negizi ǵoı), jeke tabysqa jetýdiń, jeke tulǵanyń áleýmettanýynyń ádistemesi syndy «Akmeologııa» sııaqty pánder qaıda? Olardyń joqtyǵy jastardyń edáýir bóliginiń áleýmettik ınfantılızmine, eresek ómirge beıimdele almaýyna, basqa da keleńsizdikterge uryndyrady» degen bolatyn. Qazirgi kezde memleket tarapynan jastardyń bilim alýyna tıisti jaǵdaı jasalyp keledi. Umyt qalǵan pánder qaıtadan bilim júıesine engizildi. Mektep oqýlyqtarynyń mazmuny jańaryp, bıik deńgeıge kóterildi.
Búgin Jambyl oblystyq bilim basqarmasynyń májilis zalynda atalǵan basqarmanyń uıymdastyrýymen mektep oqýshylarynyń 5, 6 jáne 7 synyptaryna arnalǵan «О́lketaný. Jambyl oblysy» oqýlyǵynyń tanystyrylymy ótti. О́lke tarıhyn qamtyǵan kitap Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda jaryq kórip otyr. Atalǵan sharaǵa oqýlyqty qurastyrýshy jergilikti ǵalymdar, ólketanýshylar, jazýshylar men qoǵam qaıratkerleri, ádiskerler men praktık-muǵalimder qatysty.
«О́lketaný» oqýlyǵynyń baǵdarlamasy 2017 jyly 10 tamyzda Qazaqstan Respýblıkasy Bilim jáne ǵylym mınıstrligimen bekitildi. Oqýlyq Ybyraı Altynsarın atyndaǵy Ulttyq bilim akademııasynyń «О́lketaný» kýrsy oqýlyǵyn ázirleýge arnalǵan ádistemelik usynymdaryna sáıkes jazyldy. «О́lketaný» oqýlyǵynyń jobasy oblys ákimdiginiń janynan qurylǵan redaksııalyq keńeste, Qazaqstan Respýblıkasy Bilim jáne ǵylym mınıstrliginiń pándik jáne eksperttik komıssııalarynda, avtorlyq jumysshy tobynyń otyrystarynda qaralyp, talqylandy. Oqýlyqtyń elektrondy nusqasy 2018 jyldyń naýryz aıynan bastap oblystyq bilim basqarmasynyń saıtynda ornalastyrylyp, aldyn-ala pikirler jınaqtaldy», dedi oblystyq bilim basqarmasy basshysynyń orynbasary Jámılá Bekbatyrova tanystyrylym barysynda. Budan keıin oblystyq bilim basqarmasyna qarasty oqý-ádistemelik kabıneti basshysynyń orynbasary Bıgeldi Tájibaev óńir pedagogtaryn «О́lketaný. Jambyl oblysy» oqýlyǵynyń mazmunymen tanystyrdy. Oqýlyqtyń qurylymy «Qymbatty balalar!», «Kirispe», «Qorytyndy» sııaqty bólimderden turady. О́z sózinde ol atalǵan oqýlyqtyń mazmuny oqýshylar boıynda týǵan ólkeniń qalyptasýy men damýyn keshendi sıpattaıtyn tarıhı-mádenı, geografııalyq, estetıkalyq, fılologııalyq bilimderiniń qalyptasýyna baǵyttalyp, jastardy týǵan ólkesin aıalap, qasterleýge tárbıeleıtinin jetkizdi.
Sondaı-aq, Jambyl oblysynyń Qurmetti azamaty Elen Álimjan, M.H.Dýlatı atyndaǵy Taraz Memlekettik ýnıversıtetiniń oqytýshysy Zıba Qulamanova jáne ózge de redaksııalyq keńes músheleri jaryq kórgen jańa kitap týraly óz oılarymen bólisti. «Almatykitap» baspasynan shyǵyp otyrǵan «О́lketaný. Jambyl oblysy» oqýlyǵynda Áýlıeata óńirinen shyqqan tarıhı tulǵalar ómiri, Taraz topyraǵyndaǵy tarıhı eskertkishter, jer-sý ataýlarynyń tarıhy tolyqtaı qamtylǵan. Sondaı-aq, atalǵan oqýlyqta Sherhan Murtaza, Myrzataı Joldasbekov, Asanáli Áshimov, О́mirbek Baıgeldi sııaqty jazýshy, ǵalym jáne memleket qaıratkerlerimen qatar, án álemindegi Ilııa Jaqanov, Altynbek Qorazbaev esimderi de bar. Endigi jerde Áýlıeata oqýshylaryna «О́lketaný» oqýlyǵy 5 synyp oqýshylaryna 5 saǵat, 6 synyptarǵa 7 saǵat jáne 7 synyp oqýshylaryna 8 saǵat boıy oqytylatyn bolady. Kitap tanystyrylymyna jınalǵan kópshilik atalǵan oqýlyq oqýshylardyń Qazaqstan tarıhy, qazaq ádebıeti, geografııa, mýzyka sabaqtarynda alǵan bilimderi men daǵdylaryn tereńdetýge yqpal etetinin aıtty.
Hamıt Esaman,
«Egemen Qazaqstan»
Jambyl oblysy
