Reseı rýbli AQSh dollaryna qatysty bir kúnde 4,2%-ǵa (63,6-dan 66,3-ke deıin) jáne eýroǵa qatysty 4,1%-ǵa (73,8-den 76,8-ge deıin) álsiredi. AQSh senatorlarynyń Reseıge qarsy sanksııalary jaıyndaǵy jańa zań jobasy týraly aqparat rýbldiń álsireýine sebep boldy, ol zań jobasy Reseı Federasııasynyń memlekettik boryshyn qarjylandyrýǵa jáne Reseıdiń birqatar jetekshi bankteriniń múlkimen mámilelerge shekteý salýdy kózdeıdi. Zań jobasy qabyldanǵan jaǵdaıda ol 2018 jylǵy 22 tamyzda kúshine enýi múmkin.
Reseı rýblimen bolyp jatqan aǵymdaǵy ahýal, negizinen, saıası faktorlarmen túsindiriledi jáne naryqqa qatysýshylardyń kútýlerine negizdeledi.
Amerıkanyń munaı ónimderine Qytaıdyń baj salyqtaryn engizýi múmkin týraly aqparat aıasynda Brent markaly munaı baǵasy bir barrel úshin 72 dollarǵa deıin tómendedi.
Qazirgi ýaqytta baǵamnyń belgilenýi Ulttyq Banktiń qatysýynsyz júrip jatyr. Ulttyq Bank valıýta naryǵyndaǵy ahýalǵa únemi monıtorıng júrgizip otyr jáne qajet bolǵan jaǵdaıda teńge baǵamynyń aıtarlyqtaı jáne turaqsyzdyq týdyratyn qysqa merzimdi aýytqýlaryn retteýge baǵyttalǵan óktemdikterdi júzege asyrýǵa daıyn.
