29 JASTAǴY ANA “KÚMIS ALQA” ALMAQ

5 qyz, 1 uldy ómirge alyp kel­gen Aıman Ábdirazaqqyzy, “Bala­larym Tájihan men Sáýle apa­lary­nyń jáne Imanbek atasynyń arqasynda ósip jatyr. Sáýle apam men Imanbek atam búginde alty nemere súıip otyrsa, Tájihan apam alty shóberesiniń qyzyǵyn kórýde” – deıdi. Jańa jyldyń aldynda Qazaq­stan Respýblıkasynyń keıbir zań­namalyq aktilerine azamattardyń jekelegen sanattaryn áleýmettik qol­daý máseleleri boıynsha ózge­ris­ter men tolyqtyrýlar engizil­gen bolatyn. Iаǵnı, 2010 jyldan bastap kúshine enetin zań joba­la­ry eli­miz­diń turǵyndaryna úlken jeńildik­ter berip otyr. Burynǵy zań boı­ynsha balalary segizden asqan ana­lar “Kúmis alqanyń”, onnan jo­ǵa­ry bolsa “Altyn alqa­nyń” ıesi ata­natyn. Jańa jyldan bastap kúshine engen zańǵa sáıkes 2010 jyldyń 1 qańtarynan alty balasy bar analar “Kúmis alqa”, jeti neme­se odan kóp balasy bar ana­lar “Altyn alqa” alatyn bola­dy. Bul jóninde qala ákimdigi ja­nynan qurylǵan zań jobasyn nası­hattaý toby qalamyzda jáne qalaǵa qaras­ty aýyldarda “Altyn alqa” jáne “Kúmis alqa” tósbel­gileriniń berilý joldary jóninde túsindirý jumys­taryn júrgizdi. Búginde arnaıy qurylǵan jumys toby marapatqa laıyqty analar­dyń tizimin alyp, qujattar qabyl­dap jatyr. 29 jastaǵy, ıaǵnı 1981 jyly týyl­ǵan Júztaeva Aıman Ábdira­zaq­qyzy qala ákimdiginiń janyn­da­ǵy arnaıy qurylǵan jumys tobyna “Kúmis alqa” marapatyn alýǵa óz qujattaryn tapsyrǵan. Búginde qa­la­lyq ákimdiktiń uıymdastyrý jáne mamandar bóliminiń bas mama­ny Ǵalııa Tóntekova Aıman Ábdi­ra­zaqqyzynyń marapatqa laıyqty ekendigin sóz etip, aldaǵy ýaqytta “Kú­mis alqa” taǵatynyn aıtyp otyr. Júztaeva Aıman qaladaǵy B.Mo­myshuly atyndaǵy №12 mek­tep­te bilim alǵan. Qazirgi kezde alty balanyń anasy. Alǵashqy qyzy Bektasova Aıjannyń jasy to­ǵyzda. Ol Ál-Farabı atyndaǵy №14 mekteptiń 4 synybynda oqı­dy. Al Symbat jetige kelse, Jal­ǵasbektiń jasy beste. Úshke kelgen Nazerke qyzyqty qylyǵymen ata­sy men ájesin kúldirip júrse, birge tolǵan egiz qyzdar Móldir men Jáýdir qaz-qaz basyp júr. 5 qyz, 1 uldy ómirge alyp kel­gen Aıman Ábdirazaqqyzy, “Bala­larym Tájihan men Sáýle apa­lary­nyń jáne Imanbek atasynyń arqasynda ósip jatyr. Sáýle apam men Imanbek atam búginde alty nemere súıip otyrsa, Tájihan apam alty shóberesiniń qyzyǵyn kórýde” – deıdi. Aımannyń joldasy taksıst bo­lyp jumys isteıdi. “Ár bala­nyń óz nesibesi bar” – dep sanaı­tyn ot­basy músheleri Aımanǵa “Ulyńa se­rik kerek” dep qolqa salyp otyr­ǵan kórinedi. Al Aıman bolsa, bul usynysqa qarsy emes. Elbasymyzdyń qoldaýymen jú­zege asyp otyrǵan bul basta­ma­ny Memleket basshysynyń qam­qor­ly­ǵy dep baǵalaǵan Aıman Áb­dirazaq­qyzy, Elbasyna  rızashy­lyǵyn bildirip, alǵysyn aıtýda. Mine, qazirgi kezde ártúrli syl­­taýlarmen bala sanyn bir-ekimen ǵana shektep qoıatyn keıbir analar Aımannan úlgi alsa eken deımiz. Qaırat ZAINIShEV, Kentaý. Bárekeldi! ABAITANÝ: AIRYQShA ARNALAR Marhabat BAIǴUT. О́tken jylǵy kúzdiń jaımashýaq bir kúninde Shymkent shaharyndaǵy “Hakim Abaı mýzeıiniń” aldynda “Hakim Abaı taǵylymdary” atty konferensııa uıymdastyrylǵanyn “Egemen Qazaqstan” gazeti jazǵan bola­tyn. Sol konferensııaǵa Mekem­tas Myrzahmetuly, Sherhan Murtaza, О́mirbek Baıgeldi, Myrzataı Joldas­bekov, Tóken Ibragımov, Sábıt Orazbaev syndy sańlaqtar qatysqan. Búkil ómirin Abaıtanýǵa arnap kele jatqan bilimpaz ǵalym, Abaı atyndaǵy ulttyq pedagogıkalyq ýnı­ver­sıteti Abaıtaný ǵylymı-zert­teý ortalyǵynyń dırektory Mekem­tas Myrzahmetuly eldi eleń etkizgen. Abaıtanýdyń tyń tujyrym­­damasyn túsindirgen. Danysh­pan aqynnyń hakimdigin tereńdeı tanyp-bilmektiń, muralaryn meńger­mektiń, aınalymǵa túsirmektiń jańasha júıelerin uǵyndyrǵan. Prezıdenttik mádenıet ortalyǵy­nyń dırektory, qaıratker-qalamger Myrzataı Joldasbekov Abaı qaldyr­ǵan qazynaǵa qarap otyryp, oqyp otyryp, oılap otyryp, qalaısha qaı­ran qalatynyn Muqaǵalıdaı quby­lys­pen baılanystyra maǵlumdap, kópshilikti odan saıyn tańyrqatqan. Sóıtip, Ońtústiktegi ońdy isterdiń qataryn rýhanı saladaǵy serpilis­termen nyǵaıta túspek jóninde utyr­ly usynys bildirgen. “Hakim Abaı mýzeıi” Shymkenttiń Abaı saıaba­ǵynda eńse kóterip, mynadaı mánisti basqosý jasap jatyrmyz. Endi Muhtar Áýezov atyndaǵy Ońtústik Qazaqstan ýnıver­sıtetinde Abaıtaný kafedrasyn neme­se Abaıtaný ortaly­ǵyn ashý kerektigi ózinen-ózi suranyp tur emes pe? Ýálıhan, sen buǵan qalaı qaraı­syń?” – dep, osynaý oqý ornynyń rektory, Ý.Bıshimbaev myrzaǵa qaraǵan. Minekıińiz, sodan beri úsh aıdan sál ǵana astam ýaqyt ótti. M.Áýezov atyndaǵy OQMÝ-da Abaıtaný ǵylymı oqý ortalyǵy ashyldy. Onyń dırek­tory bolyp fılologııa ǵylym­dary­nyń kandıdaty Sattar О́mirzaqov taǵaıyndaldy. Jigerli, jas ǵalym á degennen-aq talpynysyn, talapshyl­dyǵyn tanytty. OQMÝ stýdentteri ekinshi oqý semestrin Abaıtanýdyń aıryqsha arnalaryna arnalǵan dáris­pen bastady. Abaıtanýshy Mekemtas Myrzahmetuly júrgizgen bul dáriske tek stýdentter ǵana emes, osy ýnıver­sı­tettiń, Shymkenttegi ózge de oqý oryndarynyń oqytýshylary, aqyn-jazýshylar, zııaly qaýym ókilderi qyzyǵa qatysty. Mekemtas aǵamyz qazan aıynda, “Hakim Abaı mýzeıi” aldynda ótken kon­ferensııada ortaǵa salǵan Abaı­taný­dyń tyń tujyrymdamasyn, jańasha júıelerin tereńdete, áserli áńgimeledi. Turan jerinde týyndap jetilgen jáýanmártlik iliminiń, tolyq adam ilimi bastaý-bulaqtarynyń qaı­nar kózderin ashyp, sýsyndatqan­daı boldy. Qorqyt abyz, Qoja Ahmet Iаsaýı, Ál-Farabı, Júsip Has Had­jıp, Júsip Balasaǵundar ǵasyrlar qoınaýlarynan syr shertkendeı. Abaı­daǵy ımanıgúl nemese úsh súıý máselesiniń máni, Abaı negizin salǵan tolyq adam ilimin damytýdaǵy Shá­kárim oılarynyń orny, aqyl, ádilet, raqym syndy úsh qasıettiń kúrdeliligi, júrek pen jáýanmártlik (hal) jaıyn­daǵy baıandary barshany baýrady. “Jan azyǵyn aıaqasty etýden tán qumary ústem túsip otyrǵanyn, adam­dyqty nadandyq, dildi dúnıequmarlyq basyp, tunshyqtyryp bara jatqanyn kórip-bilip júrmiz. Budan arylýdyń joly – rýhanı tazarý joly. Rýhanı tazarý joly – Abaıdyń tolyq adam ilimin arnaıy kýrstar, semınarlar arqyly mektep pen joǵary oqý or­nynda aıryqshalap, júıelep, jańasha­lap jappaı oqytý, jastar sanasyna sergek sińirý”, – dedi ǵulama ǵalym. “PARASATTY JASTAR” BAIQAÝY Názıra JÁRIMBETOVA. A.Baıtursynov atyndaǵy Qostanaı memlekettik ýnıversıteti bıyl birinshi ret stýdentterdiń “Parasatty jastar-2010” atty konkýrsyn uıymdastyrdy. Onda stýdentter jasaǵan ınnova­sııa­­­lyq bıznes-jobalar talqyǵa tústi. Baıqaý­dyń ekinshi sheshýshi týryna ótken on bes jumys quramyna ob­lysqa belgili kásip­kerler, bank bas­- shy­lary, qoǵamdyq kásipkerlik, ekonomıkalyq uıymdar jetekshileri, depýtattar, bılik ókilderi kirgen bedeldi komıssııa quzyryna berildi. Komıssııa músheleri aldymen stý­dent­terdiń jumystary ınnovasııalyq jáne shyǵarmashylyq sıpatqa ıe degen baǵa berdi. Qazylardyń kásibı deńgeı­degi súzgisinen ótken osy on bes jumys­tyń beseýi alǵashqy stýdentter kon­kýrsynyń jeńimpazy dep tanyl­dy. Olardyń arasynda stýdentter qurylys­qa ketetin sement shyǵynyn azaıtý tehnologııasyn, aýyl sharýashy­lyǵy da­qyl­daryn satýdyń elektron­dyq alańyn uıymdastyrýdy, tazalyq qaǵazyn shyǵa­ratyn shaǵyn zaýyt salýdy, báse­kege qabiletti jastardyń tulǵalyq áleýetin damytý tehnolo­gııasyn jasaý­dy kóte­redi. Komıssııa músheleri jobalardyń keıbirin qarjylandyrý qazirden-aq bastalýy kerektigin de aıtty. “Parasatty jastar” stýdentterdiń ınnovasııalyq jobalary baıqaýy aldaǵy jyly jalǵasyn tabady jáne ol tek Qostanaı ýnıversıteti emes, oblystaǵy basqa da joǵary oqý oryndaryn qamtıtyn bolady. Qostanaı.