Búgin Kaspıı sammıtinde kópten kútken tarıhı sheshim qabyldandy. Qujatty Qazaqstan, Ázerbaıjan, Reseı, Iran jáne Túrikmenstan prezıdentteri bekitti.
«Barlyqtaryńyzdy mańyzdy qujatqa qol qoıylýymen quttyqtaımyn. Biz áriptesterimizben birge Kaspıı teńiziniń quqyqtyq mártebesin retteý boıynsha kóp jyldyq jumystyń qorytyndysyn jasadyq», dedi QR Prezıdenti Nursultan Nazarbaev.
QR Prezıdenti barlyq bes memleket te teńizdiń quqyqtyq rejımin aıqyndaýǵa kúsh-jiger salǵanyn aıtty.
«Konvensııany daıarlaý prosesinde barlyq elder saıası turaqtylyqty qamtamasyz etý, Kaspıı óńirin damytý, onyń tabıǵı baılyǵyn saqtaý sııaqty múddeni ustandy. Konvensııa - Kaspıı teńiziniń Konstıtýsııasy ispetti. Ol teńiz mańy elderiniń quqyqtary men mindettemelerine qatysty máselelerdiń barlyq keshenin retteýge negizdelgen. Sondaı-aq, qujat jalpy óńir qaýipsizdiginiń, turaqtylyǵynyń jáne gúldenýiniń kepilgeri bolýǵa arnalǵan», dep naqtylady memleket basshysy.
