Eńbek jolyn 1991 jyly bastaǵan. Ár jyldary memlekettik organdardyń qurylymynda, onyń ishinde QR Syrtqy ekonomıkalyq baılanystar mınıstrliginde, QR О́nerkásip jáne saýda mınıstrliginde, QR Parlamentiniń isteri basqarmasynda jáne kommersııalyq kásiporyndarda jumys istegen.
1998–2004 jyldary QR Energetıka, ındýstrııa jáne saýda mınıstrliginde, Energetıka jáne mıneraldy resýrstar mınıstrliginde, QR Joǵarǵy Soty janyndaǵy Sot ákimshiligi jónindegi komıtette qyzmet etken.
2004–2009 jyldary Astana qalasynyń Turǵyn úı departamentiniń dırektory laýazymyn atqardy; bilim jáne ǵylym mınıstriniń keńesshisi, Ákimshilik qamtamasyz etý departamentiniń dırektory, QR Bilim jáne ǵylym mınıstrliginiń apparat basshysy; «QazTransGaz» AQ apparat basshysy, bas dırektordyń keńesshisi retinde qyzmet atqardy.
2009–2017 jyldary QR Bas prokýratýrasynyń Quqyqtyq statıstıka jáne arnaıy esep komıteti tóraǵasynyń orynbasary, birinshi orynbasary bolyp eńbek etti.
2017–2018 jyldary — QR Energetıka mınıstrliginiń Ekologııalyq retteý jáne baqylaý komıtetiniń tóraǵasy orynbasarynyń m.a., orynbasary.
2018 jyldyń naýryz aıynan bastap qazirgi ýaqytqa deıin QR energetıka mınıstriniń keńesshisi qyzmetin atqardy.
Buǵan deıin energetıka vıse-mınıstri laýazymyn Ǵanı Sádibekov atqardy, ol QR Úkimetiniń 10.08.2018 j. qaýlysymen qyzmetinen bosatyldy.
