Kúni boıy qala qonaqtary men turǵyndary Qostanaı qalasyndaǵy óner ujymdary qoıǵan konsertti tamashalady. Keshke deıin Qostanaı qalasyndaǵy «MILH» sút zaýyty «Novyı den» degen saýda markasymen jastarǵa, merekege kelýshilerge tegin balmuzdaq taratty. Mereke kúni keshke deıin fýtboldan, shahmattan , fotosýret túsirýden jáne asyq atý, toǵyzqumalaq, akvagrım, armrestlıng taǵy basqa sport túrlderi men oıyndardan jarystar uıymdastyryldyKelýshiler IT-tehnologııa men qultemirtehnıkadan kórmeni tamashalady.
Keshke qaraı mereke gala-konsertpen jalǵasty. Oǵan oblys ákimi Arhımed Muhambetov keldi. «Jastar kúni – sulýlyqtyń, jastyqtyń, sarqylmas qýat pen dostyqtyń merekesi. Elbasy Nursultan Nazarbaev jastardy reformalardyń qozǵaýshy kúshi dep sanaıdy. Qostanaılyq jastar ylǵı da kóshbasshy bolyp kózge túsedi. Respýblıkada jalǵasyn tapqan mańyzdy bastamalar men aksııalar bizdiń oblystan bastaý aldy. «Jastardyń altyn kitabyna» búginge deıin oqýda, eńbekte, qoǵamdyq jumysta aınalsyna úlgi bolǵan 200 jastyń esimi altyn árippen jazyldy. Jastar bilim alý, eńbek etý úshin olarǵa jaǵdaı jasaý– bizdiń mindetimiz» dedi Arhımed Begejanuly. Ákim oblystaǵy jastar qozǵalysynyń jeti kóshbasshysyna alǵys hatpen qosyp, velosıped syılady.
Názıra Járimbet,
«Egemen Qazqstan»
Qostanaı
