Baıqaý kóktemde múgedek jandar arasynda uıymdastyrylyp, tyń jobalar kópshilik nazaryna usynylǵan bolatyn. Qazylar alqasynyń sheshimimen «Meniń qolymnan keledi» jobanyń avtory Aqjan Kárim jeńimpaz atandy. Oǵan 1 mıllıon teńgeniń sertıfıkaty tapsyryldy. Respýblıkada oblys namysyn qorǵaıtyn bolady. Ekinshi oryndy «Jaqynyńa kómek» jobasyn usynǵan M.Jumabaev aýdanynyń turǵyny Rýslan Smaǵul ıelendi. «Kúnshýaq úıi» qorynyń jetekshisi Anastasııa Shveske 500 myń teńgeniń sertıfıkaty berildi. Ol bul qarajatty ortalyqtaǵy oqýshylardyń bilim alýy men qorshaǵan ortaǵa beıimdelýine jumsamaq.
«Aldaǵy ýaqytta «Kúnshýaq» qorshaǵan ortaǵa beıimdeý ortalyǵyn odan ári damytý joldaryn qarastyryp otyrmyz. Utyp alǵan qarajatqa tigin mashınalaryn satyp alamyz. Ashylǵanymyzǵa 3 jyl ǵana bolsa da, biraz tájirıbe janaqtap qaldyq», deıdi «Kúnshýaq úıi» qaıyrymdylyq qorynyń prezıdenti Anastasııa Shves.
Jeńimpazdardan bólek, 19 qatysýshynyń árqaısysyna alǵys hattar men baǵaly syılyqtar tabys etildi.
О́mir ESQALI,
«Egemen Qazaqstan»
Soltústik Qazaqstan oblysy
